Meena: ఆలీ భార్య జుబేదా తో మీనా సందడి.. వైరల్ అవుతున్న వీడియో..!

July 23, 2022 / 11:53 AM ISTByFilmy Focus

Join Us

Meena: ఆలీ భార్య జుబేదా తో మీనా సందడి.. వైరల్ అవుతున్న వీడియో..!

తమిళ్ తో పాటు తెలుగులో కూడా స్టార్ హీరోయిన్ గా ఓ వెలుగు వెలిగిన మీనా.. సీనియర్ స్టార్ హీరోలైన చిరంజీవి, బాలకృష్ణ, నాగార్జున, వెంకటేష్ ల సరసన ఎన్నో సూపర్ హిట్ సినిమాల్లో నటించిన సంగతి తెలిసిందే. ఇప్పటికీ ‘దృశ్యం'(సిరీస్) వంటి సినిమాల్లో ఆమె నటిస్తున్న సంగతి తెలిసిందే. అయితే ఇటీవల మీనా భర్త విద్యాసాగర్ హఠాన్మరణం చెందడంతో ఆమె ఫ్యామిలీలో విషాద ఛాయలు అల్లుకున్నాయి. పోస్ట్ కోవిడ్ సమస్యల కారణంగా ముఖ్యంగా లంగ్స్ సంబంధిత అనారోగ్యంతో ఆయన చెన్నైలోని ఓ ప్రైవేటు ఆసుపత్రిలో మరణించారు.

2009 లో మీనా… విద్యాసాగర్ ను పెళ్లాడిన సంగతి తెలిసిందే. విద్యా సాగర్ బెంగుళూరుకు చెందిన ఓ పెద్ద బిజినెస్ మెన్. వీరికి నైనిక అనే కుమార్తె కూడా ఉంది. విజయ్ హీరోగా నటించిన పోలీసోడు( తేరి) చిత్రంలో కూతురు పాత్రలో కనిపించింది. ఇదిలా ఉండగా…భర్త మరణం తర్వాత మీనా తొలిసారి కెమెరా ముందుకు వచ్చింది. ఇటీవల ఓ సినిమా సెట్ లో భాగంగా రాజేంద్ర ప్రసాద్ పుట్టినరోజు వేడుకలు జరిగాయి.

ఆ రోజు జరిగిన షూటింగ్ కి మీనా కూడా పాల్గొంది. దీంతో అక్కడే ఉన్న అలీ భార్య జుబేదా మీనా వద్దకు వెళ్లి.. గతంలో మీనాతో కలిసి దిగిన ఓ ఫోటోని చూపించి ఆమెని సర్ప్రైజ్ చేసింది. ఇందుకు మీనా కూడా సంతోషం వ్యక్తం చేసింది. జుబేదా పక్కనే అతని భర్త అలీ కూడా ఉండడం మనం గమనించవచ్చు.

వీరిద్దరూ కలిసి చాలా సేపు సంభాషించారు. మీనా ఈ మధ్య కమిట్ అయిన సినిమాలు కొన్ని ఉన్నాయి. వాటిని కంప్లీట్ చేయడం కోసం ఆమె కెమెరా ముందుకు వచ్చినట్లు స్పష్టమవుతుంది. ప్రస్తుతం అలీ భార్య జుబేదా తో మీనా కలిసి సందడి చేసిన వీడియో సోషల్ మీడియాలో వైరల్ అవుతుంది.