క్యాస్టింగ్ కౌచ్ పై మీనా సంచలన వ్యాఖ్యలు!

చైల్డ్ ఆర్టిస్ట్ గా చిత్ర సీమలోకి అడుగుపెట్టిన మీనా  హీరోయిన్ గా తెలుగు, తమిళం భాషలో అనేక సినిమాలు చేశారు. పెళ్లి చేసుకొని తల్లి అయిన ఈమె.. అమ్మగా వెండితెరపై రీ ఎంట్రీ ఇచ్చారు. దృశ్యం మూవీలో ఇద్దరి పిల్లల తల్లిగా ఆకట్టుకుంది. అలాగే కొన్ని కీలక పాత్రలు పోషిస్తోంది. తాజాగా ఓ ఇంటర్వ్యూ లో మీనా  మాట్లాడుతూ క్యాస్టింగ్ కౌచ్ పై సంచలన వ్యాఖ్యలు చేశారు. “మా కాలంలో కూడా క్యాస్టింగ్ కౌచ్ ఉండేది.   కాకపోతే అదృష్టవశాత్తు అలాంటి చేదు అనుభవం నాకు ఎదురుకాలేదు” అని చెప్పారు. ఇంకా మాట్లాడుతూ.. “మగాళ్లు వక్రబుద్ధి నుంచి బయటకు రావాలి.

ఒక స్త్రీ తో అసభ్యకరంగా ప్రవర్తించే ముందు తమకు కూడా భార్య, పిల్లలు ఉన్నారని గుర్తుపెట్టుకోవాలి”అని హితవు పలికారు. హాలీవుడ్, బాలీవుడ్, టాలీవుడ్ అని సంబంధం లేకుండా క్యాస్టింగ్ కౌచ్ అనేది ఉందని ఇప్పటివరకు మాటలను బట్టి చూస్తే అర్ధమవుతోంది. అలాగే అవకాశాలకోసం ఎంతదూరం వెళ్లాలో వాళ్ళే నిర్ణయించుకోవాల్సి ఉంటుందని కూడా కొంతమంది స్పష్టంచేశారు. నేటి హీరోయిన్స్, నటి హీరోయిన్స్ ఈ సమాశంపై మీడియాలో మాట్లాడడం చాలామందిలో అవగాహనను కల్పించింది. ముఖ్యంగా హీరోయిన్ అవ్వాలనుకునేవారికి సీనియర్స్ మాటలు ఎంతగానో ఉపయోగపడతాయని అనడంలో ఎటువంటి సందేహం అవసరం లేదు.