‘వర్మ’ హీరోయిన్ మేఘా చౌదరి పరిస్థితి అయోమయం..!

కోలీవుడ్ హీరో చియాన్ విక్రమ్ తనయుడు ధృవ్ హీరోగా టాలీవుడ్ లో సంచలన విజయం నమోదు చేసిన ‘అర్జున్ రెడ్డి’ రీమేక్ గా వర్మ చిత్రాన్ని చేస్తున్న సంగతి తెలిసిందే. విక్రమ్ గురువు బాలా ఈ చిత్రాన్ని తెరకెక్కించారు. అయితే ఇటీవల ఈ చిత్రం ఫైనల్ అవుట్ ఫుట్ చూసిన విక్రమ్ మరియు నిర్మాతలకి అస్సలు నచ్చలేదంట. దీంతో ఈ నెలలోనే విడుదలవ్వాల్సిన ఈ చిత్రాన్ని నిలిపివేసి… వేరే దర్శకుడితో మొత్తం రీషూట్ చేయమని విక్రమ్ కోరాడట. దీనికి సంబందించిన ఖర్చు అంతా తనే భరిస్తానని.. విక్రమ్ భరోసా ఇవ్వడంతో చిత్ర నిర్మాతలు దీనికి అంగీకరించి… చిత్రాన్ని రీషూట్ చేసే పనిలో ఉన్నారు. ఇందులో చాలా వరకూ నటీనటుల్ని మార్చేయాలని.. వారు భావిస్తున్నారట. మొత్తం రీషూట్ చేసి జూన్ లేదా జులై నెలలో విడుదల చేయాలని చిత్ర యూనిట్ ప్లాన్. దర్శకుడు బాలా కి ఇది పెద్ద అవమానమనే చెప్పాలి. ఇక ఈ చిత్రంలో హీరోయిన్ పరిస్థితి కూడా అయోమయంలో పడింది.

• ‘యాత్ర’ రివ్యూ కోసం ఇక్కడ క్లిక్ చెయ్యండి 
• విచారణ రివ్యూ కోసం ఇక్కడ క్లిక్ చెయ్యండి
• సీమ రాజా రివ్యూ కోసం ఇక్కడ క్లిక్ చెయ్యండి
• అమావాస్య రివ్యూ కోసం ఇక్కడ క్లిక్ చెయ్యండి

ఈ చిత్రంతో పరిచయం కావాల్సిన హీరోయిన్ మేఘా చౌదరి కి అసలు సినిమా రీషూట్ చేయనున్నారనే విషయం కూడా తెలియదట. ఈ విషయం పై ఈమె స్పందిస్తూ… “ఈ సినిమా నిలిపివేశారని తెలిసి నేను షాక్ అయ్యాను.., నా పుట్టినరోజు వేడుకల్లో బిజీగా ఉన్నాను, ఇప్పటివరకూ ఎవరూ దీని పై నాకు సమాచారం ఇవ్వలేదు… రీషూట్ లో నన్ను ఉంచుతారా..? లేక నా స్థానంలో మరొకరిని తీసుకుంటారా..? అనే విషయంలో నాకు క్లారిటీ లేదు. త్వరలోనే నిర్మాతలతో కలిసి మాట్లాడతాను” అంటూ మేఘ చెప్పుకొస్తుంది. మొదటి నుండీ కూడా ధృవ్, మేఘల కాంబినేషన్ పై విమర్శలు వినిపిస్తూనే ఉండడటం గమనార్హం. ఇప్పుడు ఆ విషయంలో కూడా నిర్మాతలు జాగ్రత్తలు తీసుకోబోతున్నారని తెలుస్తుంది. మరి ఈ చిత్రం పై ఎన్నో ఆశలు పెట్టుకున్న.. ఈ హీరోయిన్ పరిస్థితి ఎలా ఉండబోతుందో.. తెలియాల్సి ఉంది…!