ఈమధ్య హీరోయిన్లందరూ “స్టార్ హీరోయిన్” అనిపించుకోవడానికంటే “మెగా హీరోయిన్” అనిపించుకోవడానికి ఉవ్విళ్లూరుతున్నారు. ఎందుకంటే.. బయట హీరోలతో నటించే అవకాశాలు రాకపోయినా ఏ హీరోయిన్ అయినా ఒక్కసారి మెగా కాంపౌండ్ లోకి అడుగుపెట్టిందంటే వరుసబెట్టి మెగా హీరోలందరితోనూ నటించేయొచ్చు. ప్రస్తుతం రకుల్, కాజల్ లాంటి టాప్ హీరోయిన్స్ అందరూ “మెగా హీరోయిన్” ముద్ర వేయించుకొని సూపర్ స్టార్ డమ్ ను ఎంజాయ్ చేస్తున్నారు. వీరి బాటలో “కృష్ణగాడి వీరప్రేమగాధ” ఫేమ్ మెహరీన్ కూడా పయనించడానికి సిద్ధమవుతోంది.
పరిచయ చిత్రమైన “కృష్ణగాడి వీరప్రేమగాధ” అనంతరం కొన్నాళ్ళ గ్యాప్ తీసుకొన్న మెహరీన్ ఏకంగా నాలుగు సినిమాలు సైన్ చేసింది. అందులో సాయిధరమ్ తేజ్ సరసన ఒకటి, వరుణ్ తేజ్ సరసన మరొకటి. ఇంకోటి రవితేజతో. అలాగే ప్రస్తుతం సందీప్ కిషన్ సరసన కూడా ఒక సినిమాలో నటిస్తోంది. కొత్త మెగా హీరోలైన సాయి, వరుణ్ ల సరసన నటించే అవకాశాలు దక్కాయి కాబట్టి.. మెల్లిగా చరణ్, బన్నీల సరసన కూడా నటించేయొచ్చు.. ఆ తర్వాత పవర్ స్టార్ తో ఒక సినిమా చేసిందంటే చాలు అమ్మడి అదృష్టం అందలం ఎక్కేసినట్లే. చూద్దాం ఏం జరుగుతుందో!
Also, do SUBSCRIBE to our YouTube channel to get latest Tollywood updates.
