ఈ రోజుల్లో ఎవరికైనా ఏదైనా జరిగితే ఈజీగా తెలిసిపోతుంది. అందులోనూ సినిమా సెలబ్రిటీలకు ఏదైనా జరిగితే ఇంకా ఈజీగా తెలిసిపోతుంది. ఇలాంటి రోజుల్లో ఓ హీరోయిన్‌కి యాక్సిడెంట్‌ అయ్యి.. కొన్నాళ్లుగా సినిమాలకు దూరమైనా సగటు సినిమా ప్రేక్షకులకు తెలియలేదంటే పెద్ద విషయమే కదా. ఇది జరిగింది ఇంకే ఇండస్ట్రీలోనో కాదు. మన దగ్గరే.. అంటే మన టాలీవుడ్‌లోనే. పోనీ ఆ హీరోయిన్‌ ఏమన్నా ఫ్లాప్‌ సినిమాల్లో నటించిందా అంటే.. సూపర్‌ డూపర్‌ సక్సెస్‌ సినిమాలో చేసింది. ఆమెనే నభా నటేశ్‌.
‘నన్ను దోచుకుందువటే’ సినిమాతో టాలీవుడ్‌లోకి వచ్చిన నభా.. ‘ఇస్మార్ట్‌ శంకర్‌’ సినిమాతోనే బాగా పేరు తెచ్చుకుంది. అయితే 2021 సమయంలో అంటే కరోనా కష్టాల్లో ఆమెకు యాక్సిడెంట్‌ జరిగిందట. అయితే ఈ విషయం ఎవరికీ తెలియలేదు. ఇటీవల తన ప్రమాదం గురించి కొన్ని వివరాలు చెప్పింది నభా నటేశ్‌. తనకు జరిగిన రోడ్డు ప్రమాదం గురించి కొన్ని రోజుల క్రితం నభా చెప్పినప్పుడు అందరూ ఆశ్చర్యపోయారు. ఆ కారణంతోనే తను సినిమాలు చెయ్యలేదని కూడా చెప్పింది. తాజాగా నభా నటేశ్‌ మరోసారి ఆ ప్రమాదాన్ని గుర్తుచేసుకుంది.
సినిమాల ఎంపిక విషయంలో జాగ్రత్తగా అడుగులు వేస్తున్నా. నా పాత్రకు ప్రాధాన్యం ఉన్న కథలకే ఓకే చెప్పాలని అనుకుంటున్నా అంటూ కెరీర్‌ గురించి చెప్పిన నభా… ఆ ప్రమాదం సమయంలో తాను చనిపోతానేమో అనేంత భయం వేసిందని చెప్పింది. నాకు కోలుకోవడానికి సంవత్సరం పట్టింది. ప్రస్తుతం బాగానే ఉంది. పూర్తిగా కోలుకున్నాను. రోడ్డు ప్రమాదంలో నా భుజం ఎముక విరిగింది. తిరిగి కోలుకోవడానికి చాలా శస్త్రచికిత్సలు చేయాల్సి వచ్చింది.
అయితే ఇప్పుడు నేను ఇప్పుడు శారీరకంగా, మానసికంగా బలంగా ఉన్నాను అని తెలిపింది. రోడ్డు ప్రమాదం కారణంగా ఎన్నో మంచి ప్రాజక్టుల్లో అవకాశాలు కోల్పోయాను. అయితే వాటి గురించి ఎప్పుడూ బాధపడలేదు. ఎందుకంటే ఆరోగ్యం కంటే ముఖ్యమైనది మరేదీ లేదని తెలుసుకున్నాను. అలాగే గతంలో సోషల్‌ మీడియాకు ఎక్కువ ప్రాధాన్యమిచ్చేదాన్ని. కానీ ఇప్పుడు అది చివరిస్థానంలోకి వెళ్లిపోయింది అని చెప్పింది. అయితే ప్రమాదం గురించి అప్పుడు ఎందుకు చెప్పలేదు అనేది వెల్లడించలేదు.
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
