Namitha: తల్లి కాబోతున్న నమిత.. బేబీ బంప్ ఫోటోలు వైరల్..!

May 10, 2022 / 11:29 AM ISTByFilmy Focus

Join Us

Namitha: తల్లి కాబోతున్న నమిత.. బేబీ బంప్ ఫోటోలు వైరల్..!

శ్రీను వైట్ల దర్శకత్వంలో వచ్చిన ‘సొంతం’ చిత్రంతో తెలుగు ప్రేక్షకులకి పరిచయమైంది న‌మిత‌.అటు తర్వాత ‘జెమిని’ ‘ఒక రాజు ఒక రాణి’ ‘ఒక రాధా ఇద్దరు కృష్ణుల పెళ్లి’ ‘ఐతే ఏంటి’ ‘నాయకుడు’ ‘బిల్లా’ ‘సింహా’ వంటి చిత్రాల్లో కూడా నటించింది. అటు తర్వాత కోలీవుడ్‌లో కూడా ఎంట్రీ ఇచ్చి అక్కడ కూడా స్టార్ డంని సొంతం చేసుకుంది. కానీ ఎక్కువ కాలం ఆ ఇమేజ్ ను కొనసాగించలేకపోయింది.అంతేకాకుండా ఈమె విపరీతంగా వెయిట్ కూడా పెరగడంతో అవకాశాలు తగ్గాయి.

సోషల్ మీడియా అంతంత మాత్రంగా ఉన్న రోజుల్లో కూడా ఈమెకు భారీ లెవెల్లో ట్రోలింగ్ జరిగింది.అయితే కొన్నాళ్ల తర్వాత ఈమె ఫిజిక్ పై దృష్టి పెట్టి సన్నబడింది. అదే టైములో కోలీవుడ్ యాక్ట‌ర్ అయిన వీరేంద్ర చౌద‌రిని 2017లో పెళ్లి చేసుకుని అందరికీ షాకిచ్చింది. పెళ్ళైన తర్వాత కూడా పలు సినిమాల్లో న‌టించింది కానీ ఈమెకు ఆశించిన బ్రేక్ రాలేదు . కొన్నాళ్లుగా నమిత సోషల్ మీడియాలో పెద్దగా కనిపించడం లేదు! దీనికి కారణం ఏంటా అని ఆరా తీస్తే ఈమె ప్రెగ్నెంట్ అంటూ వార్తలు వినిపించాయి.

Actress Namitha Announces Pregnancy

తాజాగా బేబీ బంప్ తో ఉన్న ఫోటోని షేర్ చేసి నమిత కూడా ఈ విషయాన్ని కన్ఫర్మ్ చేసింది. ‘నా జీవితంలో కొత్త చాప్టర్ మొదలైంది. మాతృత్వం అనేది మ‌ర‌చిపోలేని గొప్ప అనుభూతి. ఇప్పుడు నా మోహంలో అసలైన చిరున‌వ్వు వ‌చ్చింది. నాలో చాలా మార్పు మొద‌లైంది. ఇలాంటి రోజు కోసం చాలా రోజులు ఎదురు చూశాను. కొత్త పిలుపులు, కొత్త జీవితం. చిన్నారి కిక్స్ నాకు కొత్త అనుభూతిని ఇస్తున్నాయి. గతంలో ఇలాంటిది ఎన్నడూ లేదు’’ అంటూ న‌మిత పేర్కొంది.