Namitha: కృష్ణాష్టమి రోజున గుడ్ న్యూస్ షేర్ చేసిన నమిత..!

August 19, 2022 / 08:35 PM ISTByFilmy Focus

Join Us

Namitha: కృష్ణాష్టమి రోజున గుడ్ న్యూస్ షేర్ చేసిన నమిత..!

సీనియర్ హీరోయిన్ నమిత అభిమానులకు గుడ్ న్యూస్ చెప్పింది.ఆమె కవలలకు జన్మనిచ్చింది. ఇద్దరూ అబ్బాయిలే కావడం విశేషం. ఈరోజు కృష్ణాష్టమి కావడంతో ఈ గుడ్ న్యూస్ ను షేర్ చేసుకోవడం సంతోషంగా ఉందని నమిత తన సోషల్ మీడియా ద్వారా తెలిపింది. ‘మీ బ్లెస్సింగ్స్ నా పిల్లల పై ఉండాలని కోరుకుంటున్నాను. రేలా హాస్పిటల్ సిబ్బందికి ప్రత్యేక ధన్యవాదాలు.డెలివరీ టైంలో వాళ్ళు అందించిన సర్వీస్ చాలా బాగుంది.

అంటూ హాస్పిటల్ సిబ్బందికి డాక్టర్ల గురించి ఆమె చెప్పుకొచ్చింది.ఇన్స్టాగ్రామ్లో ఓ వీడియో ద్వారా ఈ విషయాన్ని తెలియజేసింది నమిత. ఈ వీడియోలో నమిత, అలాగే తన భర్త వీరేంద్ర చౌద‌రి చెరో బిడ్డని ఎత్తుకోవడాన్ని మనం చూడొచ్చు. మొన్నటి వరకు తన బేబీ బంప్ ఫోటోలతో తన సోషల్ మీడియాలో నమిత సందడి చేసిన సంగతి తెలిసిందే. 41 ఏళ్లలో నమిత తల్లి కావడం విశేషం. శ్రీను వైట్ల దర్శకత్వంలో తెరకెక్కిన ‘సొంతం’ చిత్రంతో టాలీవుడ్ కు పరిచయమైన న‌మిత‌….

అటు తర్వాత వెంకటేష్ హీరోగా తెరకెక్కిన ‘జెమిని’, రవితేజ హీరోగా తెరకెక్కిన ‘ఒక రాజు ఒక రాణి’, శ్రీకాంత్- ప్రభుదేవా లు నటించిన ‘ఒక రాధ ఇద్దరు కృష్ణులు పెళ్లి’…. వంటి చిత్రాల్లో నటించింది. అంతేకాకుండా… ‘ఐతే ఏంటి’ ‘నాయకుడు’ ‘బిల్లా’ ‘సింహా’ వంటి చిత్రాల్లో కూడా నటించింది.కానీ ఇక్కడ స్టార్ గా ఎదగలేక పోయింది. దాంతో కోలీవుడ్‌లో కూడా ఎంట్రీ ఇచ్చి అడపా దడపా సినిమాలు చేసింది కానీ అక్కడ కూడా స్టార్ గా ఎదగలేక పోయింది.తర్వాత విపరీతంగా వెయిట్ పెరగడంతో ఈమెకు అవకాశాలు కూడా కరువయ్యాయి.దీంతో కోలీవుడ్ యాక్ట‌ర్ వీరేంద్ర చౌద‌రిని 2017లో పెళ్లి చేసుకుని అందరికీ షాకిచ్చింది.