Nivetha Pethuraj: నివేదా పేతురాజ్‌ హర్ట్‌ అయ్యింది… కేసు కూడా పెడతానంటోంది!

హీరోయిన్ల మీద నోరేసుకొని పడిపోవడం.. వాటిని సోషల్‌ మీడియాలో పెట్టి ట్రోలింగ్‌లు చేయడం ఈ మధ్య కాలంలో ఎక్కువైంది. ఏదో అన్నీ తమకే తెలిసినట్లు కొందరు రాజకీయ నాయకులు కూడా కామెంట్లు చేస్తుంటారు. ఇటీవల త్రిష(Trisha) విషయంలో ఇలానే కామెంట్లు చేసి నాలుక కరుచుకున్న ఓ రాజకీయ నాయకుడిని చూశాం. ఇప్పుడు నివేదా పేతురాజ్‌ (Nivetha Pethuraj) మీద కూడా ఇలాంటి కామెంట్సే వినిపించాయి. ఆ మాటలతో నొచ్చుకున్న నివేదా ఏకంగా పోలీసుకు కేసు పెడతాను అని వార్నింగ్‌ ఇచ్చింది. ఇంతకీ ఏమైందంటే…

తమిళ, తెలుగు భాషల్లో విజయవంతమైన సినిమాల్లో నటించి మంచి పేరు తెచ్చుకుంది నివేథా పెతురాజ్. అయితే ఆమె గురించి గత కొన్ని రోజులుగా సోషల్ మీడియాలో వార్తలు కనిపిస్తున్నాయి. కొన్ని తమిళ మీడియా, యూట్యూబ్ ఛానెళ్లలో వస్తున్న పరువు నష్టం కథనాలు దుమారం రేపుతున్నాయి. నివేదా పేతురాజ్‌కు.. తమిళ హీరో, నిర్మాత, రాజకీయ నేత ఉదయనిధి స్టాలిన్‌కు (Udhayanidhi Stalin) సంబంధం ఉందని ఆ వార్తల సారాంశం.

నివేదాకు దుబాయ్‌లో రూ.50 కోట్లతో ఒక ఖరీదైన ఇంటిని ఉదయనిధి కొనిచ్చినట్లు ఓ నాయకుడు వ్యాఖ్యానించాడు. ఆమె రెండు నెలలకు ఒకసారి చెన్నైకి వచ్చి వెళ్తుంటుందని.. అప్పుడు ఉదయనిధి ఆమెను కలుస్తాడని ఆ వ్యక్తి కామెంట్స్‌ చేశాడు. ఆ వీడియో వైరల్ అవడంతో నివేదా సోషల్ మీడియాలో ఓ పోస్టు పెట్టింది. తాను లగ్జరీ లైఫ్ అనుభవిస్తున్నట్లు, తనకు ఎవరెవరో ఏదేదో ఇచ్చేస్తున్నట్లు వస్తున్న ఆరోపణల గురించి అందులో ప్రస్తావించింది.

గౌరవప్రదమైన కుటుంబం నుండి తాను వచ్చానని, 16వ ఏట నుండే ఇండిపెండెంట్‌గా బతుకుతున్నాని, తన సంపాదన మీదే తన జీవితం గడుస్తోందని నివేదా చెప్పింది. తన కుటుంబం 20 ఏళ్లుగా దుబాయిలోనే ఉంటోందని.. అక్కడ తామున్నది అద్దె ఇంట్లో అని క్లారిటీ ఇచ్చింది. వాస్తవాలు తెలుసుకోకుండా కొందరు తన గురించి దుష్ప్రచారం చేస్తున్నారని ఆవేదన వ్యక్తం చేసింది. తన మీద ఆరోపణలు చేసిన వారి మీద లీగల్ యాక్షన్ తీసుకోవచ్చు అని చెప్పింది.

అయితే ఇప్పటికీ మానవత్వం మిగిలి ఉందని నమ్ముతూ తాను ఈ విషయాన్ని ఇంతటితో వదిలేస్తున్నానని చెప్పారు. దీంతో ఇకనైనా తన గురించి ఇలాంటి ప్రచారాలు మానుకోవాలని కోరింది. మరి ఈ విషయం ఎంతవరకు వెళ్తుందో చూడాలి.

ఇంటర్వ్యూ : ‘గామి’గురించి డైరెక్టర్ విద్యాధర్ కాగిత చెప్పిన ఆసక్తికర విషయాలు.!

ఇంటర్వ్యూ : ‘భీమా’ గురించి గోపీచంద్ చెప్పిన ఆసక్తికర విషయాలు
రోడ్డుపై యాంకర్ ఝాన్సీ చెత్త సేకరించడానికి కారణాలివేనా?