టాలీవుడ్ నటి ప్రగతి అందరికీ సుపరిచితమే. కెరీర్ ప్రారంభంలో తమిళంలో హీరోయిన్ గా పలు సినిమాల్లో నటించిన ఈమె.. సక్సెస్ కాలేకపోవడంతో క్యారెక్టర్ ఆర్టిస్ట్ గా స్థిరపడింది. ఇప్పటికే 100కి పైగా చిత్రాల్లో తల్లి, పిన్ని, అత్త, చిన్నమ్మ వంటి పాత్రల్లో నటించి మంచి క్రేజ్ ను సంపాదించుకుంది. ‘దూకుడు’ ‘బాద్ షా’ ‘ఎఫ్2’ వంటి చిత్రాలు ఈమెలోని కామెడీ యాంగిల్ ను బయటకి తీశాయి. అటు తర్వాత లాక్ డౌన్ టైం లో జిమ్లో హాట్ హాట్ వర్కౌట్లు చేస్తూ,
మాస్ పాటలకి డ్యాన్స్ లు చేస్తూ వీడియోలు చేసి వాటిని సోషల్ మీడియాలో పోస్ట్ చేసి.. తన ఫాలోవర్స్ సంఖ్యని మరింతగా పెంచుకుంది. లాక్ డౌన్ టైంలో ప్రేక్షకులకి ఈమె ఇచ్చిన ఎంటర్టైన్మెంట్ మరెవ్వరూ ఇవ్వలేదు అనడంలో కూడా అతిశయోక్తి అనిపించుకోదు. ఇక తాజాగా విడుదలైన ‘ఎఫ్3’ చిత్రంతో ఈమెలోని కామెడీ యాంగిల్ ను మరోసారి బయటకి తీసింది. ఈ సినిమా కూడా హిట్ అవ్వడంతో ప్రగతికి ఎక్కువ అవకాశాలు వస్తున్నాయట.
దీంతో ఈమె పారితోషికం కూడా పెంచినట్టు తెలుస్తుంది. ఇక నుండీ ఈమె చేయబోయే సినిమాలకి గాను ఒక్కో కాల్ షీట్ కు రూ.50 వేల చొప్పున డిమాండ్ చేస్తుందట. అంటే ఈమె 20 రోజులు షూటింగ్లో పాల్గొనాలి అంటే రూ.10 లక్షలు చెల్లించాలన్న మాట. ఒకవేళ 10 రోజులు అయితే రూ.5 లక్షల వరకు చెల్లించాల్సి ఉంటుంది. క్యారెక్టర్ ఆర్టిస్ట్ లు ఒక రోజులో రెండు, మూడు సినిమాల షూటింగ్ లలో పాల్గొంటూ ఉంటారు. ఆ లెక్కన చూసుకుంటే ప్రగతి నెల సంపాదన గట్టిగానే ఉంటుందని అంచనా..!
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
