ఈ మధ్యకాలంలో చాలా మంది సెలబ్రిటీలు సొంతంగా యూట్యూబ్ ఛానెల్స్ మొదలుపెట్టారు. రకరకాల కంటెంట్ క్రియేట్ చేస్తూ.. వాటిని తమ ఛానెల్స్ లో పోస్ట్ చేస్తున్నారు. బిగ్ బాస్ మాజీ కంటెస్టెంట్స్ అందరూ ఇదే చేస్తుంటారు. ఇప్పుడు సీరియల్ ఆర్టిస్ట్ లు, సినిమా వాళ్లు కూడా ఇదే ఫాలో అవుతున్నారు. ప్రతి ఒక్కరూ కూడా హోమ్ టూర్ వీడియో మాత్రం తప్పకుండా పోస్ట్ చేస్తున్నారు. తాజాగా నటి ప్రగతి కూడా హోమ్ టూర్ వీడియోను పోస్ట్ చేశారు.
తన ఇల్లు, ఇంట్లోని వస్తువులతో తనకున్న అనుబంధాన్ని షేర్ చేస్తూ వీడియో రిలీజ్ చేశారు. ఫ్యూచర్ లో ఎప్పటికైనా తనకంటూ సొంత ఇంటిని నిర్మించుకుంటానని నమ్మానని.. అందుకే 16 ఏళ్ల క్రితమే నేమ్ ప్లేట్ కొన్నానని.. ఆ తరువాత పదేళ్లకు ఇంటిని నిర్మించానని తెలిపారు. తన ఇంట్లో ఉండే ప్రతి వస్తువుకి ఒక స్టోరీ ఉందని అన్నారు. సెలబ్రిటీలు ఇల్లు అంటే బాగా రిచ్ గా, లావిష్ గా ఉంటుందని అందరూ అనుకుంటారని..
కానీ తన ఇల్లు మాత్రం మధ్యతరగతి వారి ఇల్లు ఎలా ఉంటుందో అలానే కట్టించుకున్నానని చెప్పారు. ఇంట్లో వస్తువులను చాలా ఏళ్ల నుంచి కొనుగోలు చేసి.. దాచుకున్నానని.. ఒక్కసారి ఇంటి నిర్మాణం పూర్తి కాగానే వస్తువులను ఒక దగ్గరకు చేర్చానని అన్నారు. డ్రీమ్ హౌస్ ను నిర్మించుకోవడం, పిల్లలకు మంచి భవిష్యత్తు ఇవ్వడం, తనకోసం మంచి కెరీర్ ను ఏర్పాటు చేసుకోవడం ఇలా మూడు అద్భుతాలు జరిగాయని అన్నారు.
తనకు ఫొటోలు దిగడం పెద్దగా నచ్చదని.. అందుకే ఇంట్లో ఫొటోలు ఎక్కువగా ఉండవని చెప్పారు. మొదటిసారి మేకప్ వేసుకొని కెమెరా ముందుకు వచ్చిన ఫొటోని మాత్రం జ్ఞాపకంగా దాచుకున్నానని అన్నారు. తన ఇంట్లో వస్తువులన్నీ అరుదైనవిగా ఉంటాయని అన్నారు. తనకు బుద్ధుడు, సూర్యుడు అంటే ఇష్టమని.. అందుకే చేతి మీద సూర్యుడి టాటూ వేయించుకున్నానని అన్నారు. ఇంట్లో ప్రతి వస్తువుని కష్టపడి కొనుక్కున్నానని అన్నారు.
ఓరి దేవుడా సినిమా రివ్యూ & రేటింగ్!
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home