2019 సంవత్సరం జూలై నెలలో మన టాలీవుడ్ స్టార్ హీరోయిన్ రకుల్ ప్రీత్ సింగ్ ను కొంతమంది యాచకులు చుట్టుముట్టి ముప్పు తిప్పలు పెట్టారు. డబ్బులిచ్చే వరకు ఆమెను కదలనివ్వలేదు. ఇది చెబుతుంటే ‘పోకిరి’ సినిమాలో బ్రహ్మానందం ఎపిసోడ్ గుర్తొస్తుంది కదా..! నిజమే అప్పుడు రకుల్ ను అలాగే ఆదుకున్నారు ఆ యాచకులు.భారీ వర్షాల కారణంగా ముంబై ఎయిర్ పోర్ట్‌లో చిక్కుకుపోయిన రకుల్ కు అప్పుడు ఆ చేదు అనుభవం ఎదురైంది.
ఇప్పుడు మరో టాలీవుడ్ హీరోయిన్ ప్రగ్యా జైస్వాల్ కు కూడా ఇదే అనుభవం ఎదురవ్వడం గమనార్హం. వివరాల్లోకి వెళితే.. ఈరోజు జిమ్ చేసిన తర్వాత సెలూన్ కు వెళ్లిన ప్రగ్యాకి ఈ చేదు అనుభవం ఎదురైంది. సెలూన్ నుండీ ప్రగ్యా జైస్వాల్ బయటకి వచ్చి తన కారు ఎక్కుతున్న క్రమంలో కొంతమంది యాచకులు వచ్చి ఆమెను చుట్టుముట్టారు. వారి నుండీ ప్రగ్యా.. తప్పించుకునే ప్రయత్నం చేసినా కుదర్లేదు. ఆ యాచకులు డబ్బులు ఇవ్వాల్సిందే అంటూ పట్టుబట్టారు.
ఈలోగా సెక్యూరిటీ వచ్చి ప్రగ్యాని కారులో కూర్చోబెట్టారు. అయినా ఆ యాచకులు కారు గ్లాస్ వేసుకోకుండా చేతులు అడ్డుపెట్టారు. చివరికి కొంత డ‌బ్బు ఇచ్చి పంచుకోమని చెప్పింది ప్రగ్యా జైస్వాల్. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతుంది.ఇక సినిమాల విషయానికి వస్తే ప్రస్తుతం.. బాలకృష్ణ- బోయపాటి శ్రీను కాంబినేషన్లో తెరకెక్కుతున్న ‘అఖండ’ లో హీరోయిన్ గా నటిస్తుంది ప్రగ్యా.
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
