తెలుగు, తమిళ, హిందీ భాషల్లో వరుసబెట్టి సినిమాలు చేసుకొంటున్న రకుల్ “బిగ్ బాస్ 3″లోకి ఎంట్రీ ఇవ్వడం ఏంటి అని కంగారు పడుతున్నారా?. ఇక్కడ ఆమె ఎంట్రీ ఇవ్వడం వరకూ ఇన్ఫో కరెక్ట్ అయినప్పటికీ.. ఆమె ఎంట్రీ ఇచ్చేదీ ఒక ఎపిసోడ్ కోసం మాత్రమే. రకుల్ ప్రీతి నటించిన తాజా చిత్రం “మన్మధుడు 2” వచ్చే వారం విడుదలవుతోంది.. ఆ సినిమా ప్రమోషన్స్ లో భాగంగా “బిగ్ బాస్” హౌజ్ లోకి ఎంట్రీ ఇవ్వనుంది రకుల్ ప్రీత్. నాగార్జున హోస్ట్ కాబట్టి ఎంట్రీ కుదరకపోవచ్చు కానీ.. ఆమెతోపాటు వెన్నెల కిషోర్ కూడా హౌస్ లోకి వెళ్ళే అవకాశాలున్నాయి.
ప్రతి సీజన్ లో ఈ తరహా సినిమా ప్రమోషన్స్ కామన్ అయినప్పటికీ.. ఈ షోను హోస్ట్ చేస్తున్నది నాగార్జున కావడంతో “మన్మఢుడు 2’కి మంచి మైలేజ్ వచ్చేలా కొన్ని స్పెషల్ టాస్క్ లు ప్లాన్ చేసుకొన్నాడట. అందులో భాగంగా.. రకుల్ ప్రీత్ అందరిలా ఒక గంట మాత్రమే కాకుండా ఒక రోజు మొత్తం కంటెస్టెంట్స్ తో బిగ్ బాస్ హౌజ్ లో ఉండే అవకాశం ఉంది.
