డ్రగ్ కేసులో రకుల్ ఓ మాట… ఎన్‌సిబి మరో మాట!

బాలీవుడ్ డ్రగ్ కేసులో టాలీవుడ్ స్టార్ హీరోయిన్ రకుల్ ప్రీత్ సింగ్‌కి సమన్లు జారీ చేసినట్టు నార్కోటిక్స్ కంట్రోల్ బ్యూరో (ఎన్‌సిబి) వర్గాలు చెబుతున్నాయి. రకుల్ టీమ్ మాత్రం తమకు సమన్లు అందలేదని చెబుతోంది. దాంతో ఎన్‌సిబికి, రకుల్ మధ్య ఏం జరుగుతోందనని నేషనల్ మీడియా అమితాసక్తి కనబరుస్తోంది. సుశాంత్ సింగ్ రాజ్‌పుత్ మరణంతో ముడిపడిన బాలీవుడ్ డ్రగ్ కేసులో హీరోయిన్ రియా చక్రవర్తి అరెస్ట్ అయ్యింది. విచారణలో రకుల్ పేరును అధికారులకు ఆమె చెప్పినట్టు, రకుల్ సైతం డ్రగ్స్ తీసుకుందని ఆమె వెల్లడించినట్టు పలు కథనాలు కొన్ని రోజుల క్రితం వచ్చాయి.

మీడియాలో తన పేరు మీద కథనాలు రాకుండా చూడమని రకుల్ ఢిల్లీ హైకోర్టు తలుపు తట్టింది. మొదట బాలీవుడ్ సెలబ్రిటీల లిస్టు ప్రిపేర్ చెయ్యలేదని చెప్పిన ఎన్‌సిబి…. ఆ తరవాత దీపికా పదుకొనే, రకుల్ ప్రీత్ సింగ్, శ్రద్ధా కపూర్, సారా అలీ ఖాన్ తదితరులకు సమన్లు జారీ చేసినట్టు తెలియజేసింది. హైదరాబాద్‌లో క్రిష్ జాగర్లమూడి దర్శకత్వంలో పంజా వైష్ణవ్ తేజ్ హీరోగా తెరకెక్కుతున్న సినిమా షూటింగ్ చేస్తున్న రకుల్, బుధవారం ముంబై చేరుకుంది. ఎన్‌సిబి వర్గాల ప్రకారం ఈ రోజు రకుల్ విచారణకు హాజరుకావాలి.

కానీ, ఆమె హాజరు కాలేదు. రకుల్‌కి సమన్లు అందలేదని ఆమె లాయర్లు ఓ స్టేట్మెంట్ విడుదల చేశారు. హైదరాబాద్ లేదా ముంబైలో ఎక్కడా రకుల్‌కి సమన్లు అందలేదని అందులో పేర్కొన్నారు. శ్రద్ధా కపూర్, సారా అలీ ఖాన్‌ని డైరెక్టుగా కలిసి సమన్లు అందజేసిన ఎన్‌సిబి టీమ్, రకుల్‌కి డిజిటల్ పద్దతిలో సమన్లు అందజేశామని తెలియజేస్తోంది. ఈ రోజు విచారణకు వస్తారో? లేదో? ఎదురు చూస్తామని అంటున్నారట. ఏం జరుగుతుందోనని ముంబైలో రకుల్ ఇంటి బయట నేషనల్ మీడియా వెయిట్ చేస్తోంది.

Most Recommended Video

బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!