Actress: ‘సామజవరగమన’ లో లిప్ లాక్ సన్నివేశాల పై హీరోయిన్ కామెంట్స్

శ్రీవిష్ణు హీరోగా వచ్చిన ‘సామజవరగమన’ చిత్రం గత నెల జూలై 29న రిలీజ్ అయ్యి ఘన విజయం సాధించింది. ‘వివాహ భోజనంబు’ ఫేమ్ రామ్ అబ్బరాజు డైరెక్ట్ చేసిన ఈ చిత్రాన్ని ‘హాస్య మూవీస్’ , ‘ఎకె ఎంటర్‌టైన్‌మెంట్స్‌’ బ్యానర్ పై అనిల్ సుంకర సమర్పణలో రాజేష్ దండ ఈ చిత్రాన్ని నిర్మించారు. ఈ చిత్రంతో టాలీవుడ్ కి హీరోయిన్ గా పరిచయమైంది రెబా మోనికా జాన్. అంతకుముందు ఈమె కోలీవుడ్ స్టార్ హీరో విజయ్ నటించిన ‘విజిల్’ మూవీలో అనిత అనే పాత్రలో నటించింది.

ఆ తర్వాత విశ్వక్ సేన్, రకుల్ ప్రీత్ సింగ్ ప్రధాన పాత్రల్లో ఏఎల్ విజయ్ దర్శకత్వంలో రూపొందిన ‘భూ’ అనే సినిమాలో కూడా నటించింది. ఆ సినిమాలో ఈమె మాయ అనే దెయ్యం పాత్రలో నటించి మెప్పించింది. అయితే ‘సామజవరగమన’ సినిమా ఈమెకు హీరోయిన్ గా మంచి పేరు తెచ్చిపెట్టింది అని చెప్పాలి. ఈ సినిమాలో సరయు అనే పాత్రలో నటించి మెప్పించింది. అయితే ఈ సినిమా కంప్లీట్ గా ఓ ఫ్యామిలీ ఎంటర్టైనర్.

అయితే ఫస్ట్ హాఫ్ లో హీరోతో రెండు లిప్ లాక్ సన్నివేశాలు ఉంటాయి. ఫ్యామిలీ సినిమాలో ఇలాంటి సన్నివేశాలు ఏంటి.. అంటూ కొందరు నెగిటివ్ కామెంట్లు చేసిన సందర్భాలు ఉన్నాయి. తాజాగా ఆ సన్నివేశాలపై రెబ స్పందించింది. ‘అది ఫ్యామిలీ సినిమా అనే విషయం కరెక్ట్. కాకపోతే హీరో ఓ సంఘటన వల్ల మానసికంగా ఇబ్బంది పడుతూ ఉంటాడు. అందుకే లిప్ లాక్ సన్నివేశాలు పెట్టారు.

అవి వల్గర్ గా ఉండి ఉంటే నేను కూడా ఓకే చెప్పేదాన్ని కాదు. భవిష్యత్తులో కథ, కథనాలు పాత్రల స్వభావాన్ని బట్టి అలాంటి సన్నివేశాలు చేయాల్సి వస్తే చేస్తాను. కానీ వల్గర్ గా ఉంటే నేను నో చెప్పేస్తాను’ అంటూ రెబా మోనికా జాన్ (Actress) చెప్పుకొచ్చింది. ఇక ‘సామజవరగమన’ సినిమా జూలై 27 నుండి నెట్ ఫ్లిక్స్ లో స్ట్రీమింగ్ కానుంది.

ఆ హీరోల బ్యాక్ గ్రౌండ్ తెలిస్తే షాక్ అవుతారు..!

‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!