సినీ పరిశ్రమలో విషాదాల సంఖ్య పెరుగుతూనే ఉంది. నటీనటులు, దర్శక నిర్మాతలు.. లేదు అంటే టెక్నికల్ డిపార్ట్మెంట్ కి చెందిన వారు ఇలా ఎవరొకరు మరణిస్తూనే ఉన్నారు. తెలుగులోనే కాకుండా పక్క సినీ పరిశ్రమకు చెందిన వారు కూడా ప్రాణాలు విడుస్తున్నారు. సీనియర్ నటుడు ఢిల్లీ గణేష్‌,బెంగాలీ నటుడు, రచయిత అయినటువంటి మనోజ్ మిత్రా వంటి వారు మరణించిన సంగతి తెలిసిందే. అలాగే చాలా మంది యువ నటులు ఆత్మహత్య చేసుకుని లేదంటే ప్రమాదవశాత్తు మరణిస్తున్న సందర్భాలు కూడా మనం చూస్తూ వస్తున్నాం.
తాజాగా మరో బ్యాడ్ న్యూస్ వినాల్సి వచ్చింది. వివరాల్లోకి వెళితే రేణు దేశాయ్ (Renu Desai) తల్లి కూడా మరణించింది. దీంతో ఆమె ఎమోషనల్ పోస్ట్ పెట్టి హాట్ టాపిక్ అయ్యింది.
‘పునరపి జననం పునరపి మరణం
పునరపి జననీ జఠరే శయనం|
ఇహ సంసారే బహుదుస్తారే
కృపయాపారే పాహి మురారే||
ఒకరు మళ్ళీ మళ్ళీ పుట్టడం
ఒకరు మళ్ళీ మళ్ళీ జన్మించడం
అలాగే ఒకళ్ళు పుట్టే ముందు తల్లి కడుపులో నిద్రించడం
ఈ అపార దుఃఖ సంసార సాగరం నుండి వెలువడు మార్గము కానక కడు శోక చిత్తుల మైన మనకు శ్రీహరి పాదారవిందములు తప్ప అన్య మార్గము లేదు’ అంటూ ఆది శంకరాచార్య పలికిన శ్లోకాన్ని గుర్తు చేసుకుని ఎమోషనల్ అయ్యింది రేణు దేశాయ్. అలాగే ‘నీ ఆత్మకు శాంతి చేకూరాలి అమ్మ ఓం శాంతి’ అంటూ తన తల్లి ఫోటోని షేర్ చేసింది. ఆమె ఇన్స్టా పోస్ట్ ఇప్పుడు వైరల్ అవుతుంది. రేణు దేశాయ్ ఫాలోవర్స్ ఆమెకు ధైర్యం చెబుతూ కామెంట్స్ పెడుతున్నారు.
