సీబీఐ కేసు తరువాత.. మొదటిసారి రియా షూటింగ్

మాదకద్రవ్యాల కేసులో అనుకోని విధంగా ఇరుక్కున్న రియా చక్రవర్తిని అరెస్టు చేసిన విషయం అందరికి తెలిసిందే. ఒక నెల పాటు జైల్లో ఊహించని విధంగా శిక్షను అనుభవించిన ఆమె ఆ తరువాత బెయిల్‌పై విడుదలయ్యారు. సుశాంత్ సింగ్ మరణంతో ఒక్కసారిగా ఇబ్బందుల్లో పడిన రియా ప్రస్తుతం కూడా మీడియాకు దూరంగానే ఉంటోంది. ఇక డ్రగ్స్ కేసులోనే ఆమె సోదరుడు కూడా అరెస్టయిన విషయం తెలిసిందే. ఇక ఎన్నో చేదు అనుభవాలను చూసిన రియా మొత్తానికి సినిమాలతో బిజీ అవ్వాలని ఒక నిర్ణయానికి వచ్చినట్లు తెలుస్తోంది.

ఇక మరోవైపు ప్రస్తుతం సుశాంత్ సింగ్ మరణంపై సిబిఐ దర్యాప్తు చేస్తోంది. త్వరలో ఆ కేసుపై ఒక నిర్ణయానికి రానున్నారు. ఇక రియా నెమ్మదిగా సాధారణ స్థితికి చేరుకుంటుందని, ముంబైలోని ఆమె డైరెక్టర్ ఫ్రెండ్స్ ఒకరు తెలిపారు. వీలైనంత వరకు కొన్నాళ్ల పాటు విశ్రాంతి తీసుకొని 2021 ఫిబ్రవరి నుంచి షూటింగ్స్ కి తిరిగి వస్తారని చెప్పారు. రియా హిందీలో ఒక చిన్న బడ్జెట్ చిత్రానికి సంతకం చేసింది. అలాగే రియాలిటీ షోలో కూడా భాగం కానున్నట్లు సమాచారం.

అయితే రియాకు లాక్ డౌన్ కంటే ముందు, అంటే సుశాంత్ మరణానికి ముందు వచ్చిన కొన్ని ఆఫర్స్ చేజారినట్లు తెలుస్తోంది. ఇక ఎలాగైనా ఈ కఠిన పరిస్థితులను దాటి మంచి అవకాశాలను అందుకొని హీరోయిన్ గా స్థిరపడాలని రియా ఆలోచిస్తోంది.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!