మహేష్ సినిమాతో అయినా బిజీ అవుతుందా?

మహేష్ బాబు,అనిల్ రావిపూడి కాంబినేషన్లో ‘సరిలేరు నీకెవ్వరు’ చిత్రం తెరకెక్కుతున్న సంగతి తెలిసిందే. దిల్ రాజు, అనిల్ సుంకర కలిసి నిర్మిస్తున్న ఈ చిత్రం కోసం మంచి స్టార్ క్యాస్టింగ్ ను ఎంచుకుంటున్నాడు దర్శకుడు అనిల్ రావిపూడి. ఇప్పటికే లేడీ సూపర్ స్టార్ విజయశాంతి ఈ చిత్రంలో కీలక పాత్ర పోషిస్తుంది. ఇక విలన్ గా మొదట జగపతి బాబు ని అనుకున్నప్పటికీ.. కొన్ని కారణాల వలన ఆయన తప్పుకోవడంతో ప్రకాష్ రాజ్ ను ఎంచుకున్నారు. ఇక తాజాగా ఈ చిత్రంలో మరో సీనియర్ నటి నటించబోతుందట.

‘ఒక్క ఛాన్స్.. ఒకే ఒక్క ఛాన్స్ అంటూ “ఖడ్గం” చిత్రంలో అలరించిన సంగీత ‘సరిలేరు నీకెవ్వరు’ చిత్రంలో సంగీత కీలక పాత్ర పోషిస్తుందట. ఈ విషయం పై అధికారికంగా ఎటువంటి ప్రకటన రానప్పటికీ ఫిలింనగర్లో మాత్రం ఎక్కువగా వినిపిస్తుంది. ఇప్పటి వరకూ చాలా చిత్రాల్లో హీరోయిన్ గా, క్యారెక్టర్ ఆర్టిస్ట్ గా నటించినప్పటికీ… ఎందుకో ఈమె రాణించలేకపోయింది. మరి మహేష్ సినిమాతో అయినా బిజీ అవుతుందేమో చూడాలి. ఇక మహేష్ సరసన హీరోయిన్ గా రష్మిక మందన నటిస్తుండగా మురళి శర్మ, రాజేంద్రప్రసాద్ వంటి వారు ముఖ్య పాత్రలు పోషిస్తున్నారు.