Sangeetha, Anil Ravipudi: అనిల్ రావిపూడిపై షాకింగ్ కామెంట్స్ చేసిన సంగీత!

September 7, 2022 / 05:43 PM ISTByFilmy Focus

Join Us

Sangeetha, Anil Ravipudi: అనిల్ రావిపూడిపై షాకింగ్ కామెంట్స్ చేసిన సంగీత!

ప్రముఖ టాలీవుడ్ నటీమణులలో ఒకరైన సంగీత తాజాగా అలీతో సరదాగా షోకు హాజరయ్యారు. ఈ షో ప్రోమో తాజాగా విడుదల కాగా సరిలేరు నీకెవ్వరు సినిమా గురించి, అనిల్ రావిపూడి గురించి సంగీత ఆసక్తికర వ్యాఖ్యలు చేశారు. మసూద అనే హర్రర్ సినిమాలో సంగీత నటించగా ఈ సినిమా ప్రమోషన్స్ లో భాగంగా ఆమె ఈ షోకు హాజరయ్యారు. సరిలేరు నీకెవ్వరు సినిమాలో హీరోయిన్ మదర్ రోల్ చేయడం ప్లస్ అయిందా మైనస్ అయిందా అని అలీ సంగీతను అడగగా రెండూ అని ఆమె అన్నారు.

కోనసీమ కుర్రదాన్నిరో సాంగ్ కు డ్యాన్స్ చేస్తూ హీరోయిన్ కావ్యతో కలిసి సంగీత షోలోకి ఎంట్రీ ఇచ్చారు. అలీ సంగీతతో సంగీత మీకు ఏమవుతుంది అని అడగగా హీరోయిన్ సంగీత నాకు గ్రాండ్ మదర్ అని ఆమె సరదాగా చెప్పుకొచ్చారు. హోటల్ లో ఉన్న సమయంలో అనిల్ రావిపూడి తనకు సరిలేరు నీకెవ్వరు సీన్స్ చెప్పేవారని ఆ సమయంలో అనిల్ రావిపూడిని “రేయ్ ఇలా చేశావురా నన్ను” అని తిట్టుకున్నానని ఆమె చెప్పుకొచ్చారు.

సంగీత హీరోయిన్ గా చేస్తున్న సమయంలో నేను స్కూల్ లో ఉన్నానంటూ అలీ సంగీతపై పంచ్ లు వేశారు. ఆ తర్వాత ఛాన్స్ వదులుకున్న సినిమాలు ఏవైనా ఉన్నాయా అనే ప్రశ్నకు సంగీత స్పందిస్తూ ఒక సినిమా షూటింగ్ కు రెండు రోజులు హాజరయ్యానని ఆ తర్వాత ఆ సినిమా నుంచి నన్ను తీసేశారని ఆమె కామెంట్లు చేశారు. వచ్చే వారం ప్రసారమయ్యే ఎపిసోడ్ లో సంగీత తనను తీసేసిన సినిమాకు సంబంధించిన పూర్తి విషయాలను వెల్లడించే ఛాన్స్ అయితే ఉంది.

సంగీత ప్రస్తుతం క్యారెక్టర్ ఆర్టిస్ట్ గా బిజీగా ఉన్నారు. పలు రియాలిటీ షోలలో కూడా పాల్గొంటూ సంగీత సందడి చేస్తున్నారు. సరిలేరు నీకెవ్వరు సినిమాలో “అబ్బబ్బా నెవ్వర్ బిఫోర్ ఎవ్వర్ ఆఫ్టర్” డైలాగ్ తో సంగీత మెప్పించిన సంగతి తెలిసిందే. సంగీత తర్వాత ప్రాజెక్ట్ లతో కూడా సక్సెస్ లను సొంతం చేసుకోవాలని ఫ్యాన్స్ కోరుకుంటున్నారు. సినిమాసినిమాకు సంగీతకు క్రేజ్ అంతకంతకూ పెరుగుతున్న సంగతి తెలిసిందే.