పబ్లిక్ లోనే అభిమాని పై చేయి చేసుకున్న హీరోయిన్… కారణం..?

September 28, 2022 / 11:58 PM ISTByFilmy Focus

Join Us

పబ్లిక్ లోనే అభిమాని పై చేయి చేసుకున్న హీరోయిన్… కారణం..?

హీరోలు లేదా హీరోయిన్లు పబ్లిక్ ప్లేస్ లకు వెళ్ళినప్పుడు జనాలు గుమికూడడం మామూలే. అయితే ఒక్కోసారి కొంతమంది హద్దులు మీరు ప్రవర్తిస్తూ ఉంటారు. అలా ప్రవర్తించినప్పుడు జరిగే పరిణామాలు కొంచెం ఇబ్బంది కరంగా అనిపిస్తాయి. అలాంటి సంఘటనే ఇప్పుడొకటి చోటు చేసుకుంది. విషయంలోకి వెళితే.మలయాళ ప్రముఖ హీరోయిన్ సానియా అయ్యప్పన్ నటించిన ‘శాటర్ డే నైట్’ అనే మూవీ.. అక్టోబరు 7న థియేటర్లలో విడుదల కాబోతుంది. ఈ క్రమంలో కోళికోడ్ లో ప్రమోషన్స్ ను నిర్వహించారు.

ఈ క్రమంలో అక్కడ ఓ మాల్ కి వెళ్లారు. ఈవెంట్ అయితే బాగానే జరిగింది. జనాలు కూడా భారీగానే తరలివచ్చారు. అప్పటివరకు అంతా బాగానే జరిగింది అని అందరూ సంతోషిస్తున్న తరుణంలో ఊహించని సంఘటన ఒకటి చోటు చేసుకుంది. సానియా బయటకు వెళ్లిపోయే క్రమంలో.. ఆమెను చూడడానికి జనాలు ఎగబడ్డారు. చుట్టూ బాడీగార్డ్స్ కూడా ఉన్నారు. కానీ కొంతమంది ఆకతాయి మూక హీరోయిన్ మీదకు వచ్చి … వారి ప్రైవేట్ పార్ట్ ల పై చెయ్యి వేసి లైంగికంగా వేధించే ప్రయత్నం చేశారు.

దీంతో సహనం కోల్పోయిన నటి సానియా.. సదరు ఆకతాయిలపై అందరూ చూస్తుండగానే చేయి చేసుకుంది. ఇందుకు సంబంధించిన వీడియో ఇప్పుడు వైరల్ గా మారింది. అయితే ఆ ఆకతాయి ముఖ సెల్ఫీ అడిగే ప్రయత్నం చేశామని, మేము ఏమీ అసభ్యంగా ప్రవర్తించాలని అనుకోలేదని, ఈ మాత్రం దానికే చెయ్యి చేసుకోవడం ఏంటి అంటూ సమర్ధించుకునే ప్రయత్నం చేశారు.

కొంతసేపటి తర్వాత పోలీసులు వచ్చి పరిస్థితిని చక్కదిద్దడం జరిగింది. దీనికి సంబంధించిన వీడియోను చూసిన ప్రేక్షకులు ‘బహుశా ఇలాంటి ఆకతాయి మూకని కంట్రోల్ చేయడానికే అనుకుంట బాలయ్య బాబు చెయ్యి చేసుకుంటాడు’ అంటూ కొందరు కామెంట్లు పెడుతున్నారు.