దశాబ్దానికి పైగా సినిమా ఇండస్ట్రీలో ఉన్నప్పటికీ సంజనా గల్రానీ హీరోయిన్ గా చెప్పుకోదగ్గ స్థాయిలో గుర్తింపు తెచ్చుకోలేదనే సంగతి తెలిసిందే. ప్రభాస్ హీరోగా తెరకెక్కిన బుజ్జిగాడు సినిమా సంజనా గల్రానీకి అంతోఇంతో గుర్తింపును తెచ్చిపెట్టింది. గతేడాది డ్రగ్స్ కేసు వివాదంలో చిక్కుకోవడం ద్వారా సంజనా గల్రానీ వార్తల్లో నిలిచారు. అయితే తాజాగా ఈ బ్యూటీకి మల్టీ లింగ్వల్ మూవీలో ఆఫర్ వచ్చింది. వెంకట్ కృష్ణన్ డైరెక్షన్ లో మణిశంకర్ పేరుతో తెరకెక్కనున్న సినిమాలో సంజన నటిస్తుండగా తెలుగు, తమిళంతో పాటు కన్నడ, హిందీ భాషల్లో కూడా ఈ సినిమాను విడుదల కానుందని సమాచారం.
ఈ మూవీలోని పాత్ర కొరకు సన్నబడుతున్నానని సంజన పేర్కొన్నారు. అయితే సంజన కథలో ప్రాముఖ్యత ఉన్న పాత్రలు మాత్రమే చేస్తానని ఏ పాత్ర పడితే ఆ పాత్ర చేయనని చెప్పుకొచ్చారు. కథ తాను చేసిన పాత్ర చుట్టూ తిరుగుతూ ఉండాలని అలాంటి పాత్రలకే తాను గ్రీన్ సిగ్నల్ ఇస్తానని సంజన వెల్లడించారు. అయితే అవకాశాలు తగ్గుతున్న తరుణంలో సంజన చేసిన కామెంట్లు అభిమానులను షాకయ్యేలా ఉన్నాయి. సంజనా గల్రానీ కోరుకున్న విధంగా పాత్రలు రావడం సాధ్యమేనా అనే కామెంట్లు వినిపిస్తున్నాయి.
మరోవైపు సంజన సోషల్ మీడియాలో షేర్ చేస్తున్న ఫోటోలను నెటిజన్లు ట్రోల్స్ చేస్తున్నారు. ఈ మధ్య కాలంలో పలు సేవా కార్యక్రమాల ద్వారా కూడా సంజన వార్తల్లో నిలిచారు. కరోనా సెకండ్ వేవ్ టైమ్ లో సంజన సినీ కార్మికులకు తన వంతు సాయం చేశారు. సంజన కొంతమందికి ఉచితంగా కరోనా వ్యాక్సిన్ వేయించారు.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
Home