Actress Sanusha: నటి సనుషా పై నెటిజెన్ల ట్రోలింగ్.. ఆమె ఏమందంటే..?

June 12, 2021 / 12:49 PM ISTByFilmy Focus

Join Us

Actress Sanusha: నటి సనుషా పై నెటిజెన్ల ట్రోలింగ్.. ఆమె ఏమందంటే..?

సోషల్ మీడియా వాడకం పెరిగిన తర్వాత నెటిజన్లు నేరుగా సెలబ్రిటీలతో ఇంటరాక్ట్ అవుతున్నారు. అయితే కొంతమంది అదే అలుసుగా తీసుకుని వారిని నానా మాటలు అని బాధపెడుతుండడం మనం చూస్తూనే వస్తున్నాం. అలాంటి పరిస్థితుల్లో కొంతమంది సెలబ్రిటీలు సహనం కోల్పోయి మండిపడుతున్న సందర్భాలు కూడా మనం చూస్తూనే వస్తున్నాం. ఇప్పుడు కూడా ఓ నటి పై బాడీ షేమింగ్ చేస్తున్న నెటిజెన్ల పై మండిపడింది ఓ నటి. అయితే ఆమె చాలా సున్నితంగా నెటిజెన్లకు కౌంటర్ ఇవ్వడం ఓ విశేషం.

వివరాల్లోకి వెళితే.. మలయాళ భామ సానుష తెలుగు ప్రేక్షకులకు కూడా సుపరిచితమే. ఓంకార్ డైరెక్షన్లో వచ్చిన ‘జీనియస్’ చిత్రంలో ఈమె హీరోయిన్ గా నటించింది.దాంతో పాటు 2019 లో నాని హీరోగా గౌతమ్ తిన్ననూరి డైరెక్షన్లో వచ్చిన ‘జెర్సీ’ లో కూడా ఈమె నటించింది. అయితే ఈమె పై గత కొద్ది రోజులుగా ఈమె ఫిజిక్ పై ట్రోల్ చేస్తున్నారు నెటిజన్లు. వాటి పై ఈమె స్పందిస్తూ.. “ఓహ్ అవును !! బహుశా నాకంటే ఎక్కువగా నా బరువు గురించి తలుచుకుంటూ, చింతిస్తూ & ఎక్కువగా బాధపడుతున్న ప్రతి ఒక్కరికీ, స్వీట్‌హార్ట్… మనం బ్రతికేది బరువు తగ్గడానికి..

అందంగా కనిపించడానికి మాత్రమే కాదు.ఇలా ఇతరుల బాడీ షేమింగ్ చేసేవారు ఓ విషయాన్ని గుర్తుంచుకోండి. అదేంటంటే… మీరు ఒక వ్యక్తి వైపు 2 వేళ్లు చూపిస్తున్నప్పుడు మిగతా 3 వేళ్ళు మీ వైపు చూపిస్తాయి.సో మీరు కూడా పర్ఫెక్ట్ గా ఉన్నారని కాదు….! అందుచేత శారీరకంగా, మానసికంగా ఫస్ట్ మిమ్మల్ని మీరు జాగ్రత్తగా చూసుకోండి” అంటూ చాలా సున్నితంగా కౌంటర్ ఇచ్చింది.