Bellamkonda Srinivas: ‘ఛత్రపతి’ హిందీ రీమేక్ కు దెబ్బ మీద దెబ్బ..!

తెలుగులో ప్రభాస్- రాజమౌళి కాంబినేషన్లో తెరకెక్కిన బ్లాక్ బస్టర్ మూవీ ‘ఛత్రపతి’ ని హిందీలో కూడా రీమేక్ చేయబోతున్న సంగతి తెలిసిందే. బెల్లంకొండ సాయి శ్రీనివాస్ హీరోగా నటిస్తున్న ఈ చిత్రాన్ని వి.వి.వినాయక్ డైరెక్ట్ చేయబోతున్నట్టు గతేడాది ఎండింగ్ లో ప్రకటించారు. తెలుగులో కూడా సాయి శ్రీనివాస్ ను హీరోగా లాంచ్ చేసింది వినాయక్ అన్న సంగతి తెలిసిందే. అయితే ఈ రీమేక్ కోసం హీరోయిన్ ను వెతకడం ఇప్పుడు వినాయక్ కి పెద్ద తలనొప్పిగా మారినట్లు వినికిడి.

ఇప్పటికే కియారా అద్వానీ. అనన్య పాండే, అలియా భట్ వంటి భామలను సంప్రదించగా వారు మొహమాటం లేకుండా నొ చెప్పినట్టు ప్రచారం జరిగింది. ఇదే కోవలో దీపిక పదుకొణె కు భారీ పారితోషికం ఇస్తామని టెంప్ట్ చేసినా ఆమె కూడా నొ చెప్పిందని వినికిడి. అయితే టాలీవుడ్లో వరుణ్ తేజ్- పూరి జగన్నాథ్ కాంబినేషన్లో తెరకెక్కిన ‘లోఫర్’ చిత్రంతో తెరంగేట్రం చేసిన దిశా పటాని ఈ ప్రాజెక్ట్ లో నటించడానికి ఓకే చెప్పిందట.

కానీ ఏమైందో ఏమో ఇటీవల ఆమె కూడా తప్పుకున్నట్టు సమాచారం. దాంతో సాయి పల్లవి ని సంప్రదించారట దర్శక నిర్మాతలు. బాలీవుడ్లో ఛాన్స్, పైగా ఎక్కువ పారితోషికం ఇస్తామని ఆఫర్ ఇచ్చారు నిర్మాతలు.. అయినప్పటికీ సాయి పల్లవి నొ చెప్పిందట. ఇలా వరుసగా హీరోయిన్లు ఈ ప్రాజెక్టుని నిరాకరించడానికి ప్రధాన కారణం.. ఇందులో హీరోయిన్ పాత్రకు పెద్దగా ప్రాధాన్యత లేకపోవడం వల్లనే అని తెలుస్తుంది.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!