బాలీవుడ్ లో స్పెషల్ సాంగ్స్ తో, ఐటెం సాంగ్స్ తో బాగా పాపులర్ అయ్యింది ఊర్వశి రౌతేలా. నిజానికి ఈమె హీరోయిన్ గానే ఎంట్రీ ఇచ్చినప్పటికీ.. ఎక్కువగా స్పెషల్ సాంగ్స్ కే తీసుకుంటున్నారు. ఈమె గురించి నిత్యం ఏదో ఒక వార్త వైరల్ అవుతూనే ఉంటుంది. గతేడాది ‘ది లెజెండ్’ శరవణన్ మూవీకి గాను ఏకంగా రూ.20 కోట్లు పారితోషికం అందుకుంది అనే కామెంట్లు వినిపించాయి. అయితే అందులో నిజం లేదని ఈ బ్యూటీ చెప్పుకొచ్చింది.
కానీ ఈమె ఇంటి ఖరీదు రూ.190 కోట్లు అంటూ ఇటీవల జరిగిన ప్రచారం గురించి అందరికీ తెలిసే ఉంటుంది. ఏ హీరోయిన్ కు సాధ్యం కాని విధంగా ఈమె రూ.190 కోట్ల ఖరీదైన ఇంటిని ఎలా కలిగి ఉంది అంటూ అంతా కామెంట్లు చేశారు. ఆ విషయాన్ని అటుంచితే.. ‘వాల్తేరు వీరయ్య’ లో ‘బాస్ పార్టీ’ ఐటమ్ సాంగ్ తో ఈమె టాలీవుడ్‌లో కూడా అడుగుపెట్టింది. ఆ పాట చార్ట్ బస్టర్ అయ్యింది. దీంతో ఆమెకు తెలుగులో కూడా వరుస ఆఫర్లు వస్తున్నాయి.
అవి కూడా స్పెషల్ సాంగ్స్ రూపంలోనే.! ఈ మధ్యనే అక్కినేని అఖిల్‌ ‘ఏజెంట్‌’ చిత్రంలో ‘వైల్డ్ సాలా’ అనే స్పెషల్ సాంగ్ చేసింది ఊర్వశీ. పోతినేని రామ్, బోయపాటి కాంబోలో వస్తున్న పాన్ ఇండియా మూవీలో కూడా ఓ స్పెషల్ సాంగ్ చేస్తుందట. అలాగే పవన్ కల్యాణ్- సాయిధరమ్ తేజ్ కాంబినేషన్ లో వస్తున్న ‘బ్రో’ సినిమాలో కూడా ఈమె ఓ స్పెషల్ సాంగ్ చేస్తుంది.
ఆమె (Actress) స్పెషల్ సాంగ్స్ కు డిమాండ్ పెరగడంతో.. పారితోషికం అమాంతం పెంచేసిందట ఈ బ్యూటీ. ఇప్పుడు ఆమె ఒక్కో పాటకు రూ.3 కోట్లు డిమాండ్ చేస్తుందట. ఇప్పుడున్న స్టార్ హీరోయిన్లకి కూడా అంత పారితోషికం ఇవ్వడం లేదు. అలాంటిది 5 నిమిషాల పాటకి గాను ఊర్వశికి అంత ఇస్తారా? అన్నది మిలియన్ డాలర్ల ప్రశ్న. ఒకవేళ నిర్మాతలు ఇస్తే మాత్రం.. అది సెన్సేషన్ అనే చెప్పాలి
ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!
టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు
