అందం, ప్రతిభ రెండూ ఉన్నప్పటికీ మంచి బ్రేక్ అందుకోని నటీమణుల్లో అదా శర్మ ఒకరు. హార్ట్ ఎటాక్ సినిమా ద్వారా టాలీవుడ్లోకి అడుగు పెట్టిన ఈ బ్యూటీ సన్నాఫ్ సత్యమూర్తి, క్షణం సినిమాల ద్వారా మంచి పేరు సంపాదించుకుంది. అయితే పనికి తగ్గ ప్రతిఫలం గురించి ఆలోచించకుండా అదా శర్మ ఎప్పుడూ ఎనర్జీ తో ఉంటుంది. ఇంట్లో తన తల్లితో కలిసి యోగా చేసినా.. బీచ్ వద్ద టూ పీస్ లో అందాలు ఆరబోసినా ఆ ఫొటోలన్నీ తన సోషల్ మీడియా అకౌంట్ లో పోస్ట్ చేయడం ఆమె హాబీ. అందుకు పాజిటివ్, నెగిటివ్ టాక్ వచ్చినప్పటికీ పట్టించుకోకుండా ప్రతి రోజూ ఏదో ఫోటో, వీడియోతో ట్రెండింగ్ లో ఉంటుంది.
తాజాగా ఆమె చేసిన “కికీ ఛాలెంజ్” డ్యాన్స్ వీడియో వైరల్ అయింది. 22 గంటల్లో ఆరు లక్షలకు మందికి పైగా ఈ వీడియోని చూశారంటే ఏ రేంజ్ లో నచ్చిందో అర్ధం చేసుకోవచ్చు. ఇన్‌స్టాగ్రాం లో రిలీజ్ చేసిన వీడియోలో హిప్‌హాప్, భరతనాట్యం, కథక్‌కి సంబంధించిన బిట్స్‌ను ప్రదర్శించింది. అద్భుతమైన ఎక్స్‌ప్రెషన్స్‌ ప్రదర్శించి ఆదా.. తన వీడియోను మళ్లీ మళ్లీ చూసేలా చేస్తోంది. ఈ వీడియోలో ఆమె కాస్ట్యూమ్స్ కూడా ఆకట్టుకునేలా ఉన్నాయి. ఈ వీడియోను చూసిన అభిమానులు, నెటిజన్లు ఆదాను అభినందిస్తున్నారు.
Home