నితిన్ -పూరి జగన్నాథ్ కాంబినేషన్లో వచ్చిన ‘హర్ట్‌ ఎటాక్‌’ చిత్రంతో టాలీవుడ్‌ కి పరిచయమైంది అదాశర్మ. ఆ చిత్రంతో పర్వాలేదనిపించినా.. హీరోయిన్ గా పెద్దగా అవకాశాలు రాలేదు. అల్లుఅర్జున్ ‘సన్ ఆఫ్ సత్యమూర్తి’, అడవి శేష్ ‘క్షణం’, సాయిధరమ్ తేజ్ ‘సుబ్రహ్మణ్యం ఫర్ సేల్’ వంటి చిత్రాల్లో నటించినప్పటికీ.. ఈ అమ్మడికి కలిసొచ్చిందేమి లేదు. దీంతో బాలీవుడ్ బాట పట్టినప్పటికీ అక్కడ కూడా పెద్దగా కలిసి రాలేదు. ఈ క్రమంలో ఐటెం సాంగ్స్ పై దృష్టి పెట్టిందట ఈ ముద్దుగుమ్మ.
ప్రస్తుతం నేచురల్‌ స్టార్ నాని ‘జెర్సీ’ చిత్రంలో ఓ స్పెషల్ సాంగ్లో కనిపించేందుక అదా శర్మ రెడీ అవుతున్నట్టు సమాచారం. ‘మళ్ళీ రావా’ ఫేమ్ గౌతమ్ తిన్ననూరి డైరెక్షన్లో నాని చేస్తున్న చిత్రం షూటింగ్ దాదాపు పూర్తయ్యింది. శ్రద్దా శ్రీనాథ్ హీరోయిన్ గా నటిస్తున్న ఈ చిత్రంలో ఓ ఐటెం సాంగ్ ఉండబోతుందట. ఈ సాంగ్ కోసం ఇటీవల ఆదాశర్మ ని సంప్రదించగా.. ఆమె ఓకే చెప్పేసిందట. ‘సితారా ఎంటర్టైన్మెంట్స్’ బ్యానర్ సూర్యదేవర నాగవంశీ నిర్మిస్తున్న ఈ చిత్రానికి అనిరుథ్ సంగీతమందిస్తున్నాడు. సమ్మర్ కానుకగా ఏప్రిల్ లో ఈ చిత్రం ప్రేక్షకుల ముందుకు రానుంది. మరి ఐటెం సాంగ్స్ తో అయినా ఆదాశర్మ సక్సెస్ అవుతుందేమో చూడాలి.
