బిగ్ బాస్ హౌస్ లో గత రెండు రోజులుగా మిషన్ ఇంపాజబుల్ టాస్క్ నడుస్తోంది. ఇందులో రెడ్ టీమ్, బ్లూటీమ్స్ గా హౌస్ మేట్స్ విడిపోయి గేమ్ ఆడుతున్న సంగతి తెలిసిందే. బ్లూటీమ్ స్క్వాడ్ మెంబర్ గా ఆదిరెడ్డి, రెడ్ టీమ్ స్క్కాడ్ మెంబర్ గా గీతు ఉన్నారు. ఇక్కడే తనకి ఇచ్చిన సీక్రెట్ టాస్క్ ని దిగ్విజయంగా పూర్తి చేసి టాస్క్ గెలిచాడు ఆదిరెడ్డి. దీంతో వాళ్ల టీమ్ మెంబర్ అయిన రోహిత్ ని ఆటలోకి తిరిగి రప్పించారు. ఈ టాస్క్ మార్నింగ్ తిరిగి స్టార్ట్ అయ్యింది.
ఇందులో భాగంగా రేవంత్ రెచ్చిపోయాడు. ఆదిరెడ్డితో కలయబడ్డాడు. కానీ, రోహిత్ రేవంత్ ని అడ్డుకున్నాడు. దీంతో రేవంత్ కంటికి గాయం అయ్యింది. ఇదే సమయంలో గీతు బ్లూటీమ్ మెంబర్స్ కి చిక్కింది. దీంతో గీతు భుజాలకి ఉన్న స్ట్రిప్స్ ని బ్లూటీమ్ మెంబర్స్ తీసేశారు. దీంతో గేమ్ నుంచీ అవుట్ అయ్యింది గీతు. తర్వాత ఛాలెంజ్ వచ్చినపుడు రెడ్ టీమ్ గెలిచింది. దీంతో రోహిత్ ని మరోసారి చంపే అవకాశం వచ్చింది రెడ్ టీమ్ కి. రాత్రి బిగ్ బాస్ టాస్క్ ని పాజ్ చేశాడు. దీంతో హౌస్ మేట్స్ రిలాక్స్ అయ్యారు.
కానీ, గీతు మాత్రం ఆదిరెడ్డి టీషర్ట్ ని దొంగలించి తన దగ్గర పెట్టుకుంది. ఆ టీషర్ట్ ని శ్రీహాన్ భుజంపై వేసుకున్నప్పుడు దానికి ఉన్న స్ట్రిప్ ని లాక్కున్నారు. ఈ కంత్రి ఐడియాకి ఆదిరెడ్డికి ఒళ్లు మండింది. అసలు నిన్న స్క్వాడ్ మెంబర్స్ మనం మాట్లాడుకున్నప్పుడు ఎవరూ తీస్కోవడానికి వీళ్లేదని చెప్పుకున్నాం కదా అన్నాడు. దీనికి నేను తీయని అని చెప్పానని తన మాటల్లో లూప్ ని ఆదిరెడ్డికి వివరంగా చెప్పింది. నేను తీయననేసి చెప్పలేదు కదా అనేసరికి ఆదిరెడ్డికి ఒళ్లు మండింది. దీంతో మైక్ ని నేలకేసి మరీ కొట్టాడు.
ఆటలో , టాస్క్ లో లూప్ వెతక్కచ్చు కానీ, మాటల్లో లూప్ వెతకడం ఏంటని గీతుని నిలదీశాడు. కేవలం గీతు అర్దరాత్రి మేలుకొని ఆదిరెడ్డి టీషర్ట్ ని దొబ్బేయడం అనేది తప్పని బ్లూటీమ్ మెంబర్స్ రెచ్చిపోయారు. ఇక్కడే ఫైమా టీషర్ట్ పైన ఉన్న రెడ్ స్ట్రిప్స్ ని కూడా లాక్కునే ప్రయత్నం ఇనయ చేసిందని మరి దానికేమంటారు అని రెడ్ టీమ్ వాళ్లు తిరిగి ఎటాక్ చేశారు. దీంతో ఆదిరెడ్డి మా టీమ్ ని నేను చేయద్దని క్లియర్ గా చెప్పానని, ఒకవేళ వాళ్లు చేశారని నాకు తెలిస్తే వచ్చే వారం నామినేషన్ ఖచ్చితంగా చేస్తానని చెప్పాడు.
ఇక ఆదిరెడ్డికి, గీతుకి గట్టిగా ఆర్గ్యూమెంట్ జరిగింది. ఫ్రస్టేషన్ లో ఆదిరెడ్డి గీతుని ఒక ఆట ఆడుకున్నాడు. హౌస్ లో ఫస్ట్ నుంచీ కూడా ఆదిరెడ్డి – గీతు ఇద్దరూ ఒక జట్టుగానే ఉన్నారు. టాస్క్ ల్లో ఎవరి గేమ్ వాళ్లు ఆడినా గేమ్ అయిపోయిన తర్వాత ఎవరి గేమ్ ఎలా ఆడారు అనేది విశ్లేషణ చేస్కుంటూ ఉన్నారు. కానీ, ఇప్పుడు టాస్క్ లో గీతు ఆదిరెడ్డితోనే పెట్టుకోవడం, తన టీషర్ట్ నే టార్గెట్ చేయడంతో ఆదిరెడ్డికి కాలింది. గీతు చేసిన ఈ పనికే హర్ట్ అయ్యాడు.
తర్వాత గీతుతో నన్ను గేమ్ నుంచీ అవుట్ చేశావ్ కదా అంటూ మాట్లాడాడు. గీతు నాకు ఎవరైనా ఒకటే అని చాలాసార్లు చెప్పాను. ఫస్ట్ వీక్ లోనే చెప్పాను ఆటలో అమ్మా, నాన్నా వచ్చినా గెలుస్తానని, గెలవడం కోసం ఎట్లాగైనా ఆడతా అని చెప్పానని గుర్తు చేసింది. మొత్తానికి ఇద్దరు రివ్యూవర్స్ మద్యలో గట్టి ఫైట్ అయ్యింది. మరి ఇది ఎంతదూరం వెళ్తుందనేది చూడాలి. అదీ మేటర్.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
Home