Renu Desai, Ravi Teja: ‘టైగర్ నాగేశ్వరరావు’ నుండి రేణు దేశాయ్ లుక్.. వైరల్ అవుతున్న వీడియో!

సీనియర్ హీరోయిన్ మరియు పవర్ స్టార్ పవన్ కళ్యాణ్ మాజీ భార్య అయిన రేణు దేశాయ్ సినిమాల్లోకి రీ ఎంట్రీ ఇవ్వబోతున్నట్టు చాలా కాలం నుండి ప్రచారం జరుగుతుంది. అయితే ఆ ప్రచారం జరిగిన ప్రతీసారి క్లారిటీ వచ్చింది లేదు. అయితే ఈసారి మాత్రం ఆమె రీ ఎంట్రీ ఫిక్స్ అనే అధికారిక ప్రకటన వచ్చింది.మాస్ మహారాజా రవితేజ హీరోగా వంశీ దర్శకత్వంలో ‘టైగర్ నాగేశ్వరరావు’ అనే మూవీ తెరకెక్కుతుంది.

అభిషేక్ అగర్వాల్ నిర్మిస్తున్న ఈ పాన్ ఇండియా ప్రాజెక్టుని తేజ్ నారాయణ్ అగర్వాల్ సమర్పిస్తున్నారు. టైగర్ నాగేశ్వరరావు 1970 స్టువర్ట్‌పురం నేపధ్యంలో పేరు మోసిన గజదొంగ బయోపిక్ గా రూపొందుతోంది. ఈ చిత్రంలో రేణు దేశాయ్ హేమలత లవణం అనే పాత్రను పోషిస్తుంది. ఆమె పాత్రను పరిచయం చేస్తూ మేకర్స్ ఒక చిన్న వీడియో గ్లింప్స్ ని కూడా విడుదల చేసి సర్ప్రైజ్ చేశారు.

సినిమాలో ఈ పాత్ర చాలా పవర్ ఫుల్ గా అదే సమయంలో కీలకంగా ఉంటుందని సమాచారం.నిజ జీవితంలో హేమలత లవణం భారతీయ సామాజిక కార్యకర్త, రచయిత, అంటరానితనం, సామాజిక అసమానతలకు వ్యతిరేకంగా పోరాడిన గొప్ప మహిళ. ఇక వీడియో గ్లింప్స్ లో రేణు దేశాయ్ తెల్ల చీరలో కనిపిస్తూ మరో ఇద్దరు మహిళా కార్యకర్తలతో కలిసి రోడ్డుపై నడుస్తున్నట్టు ఉంది.

జి వి ప్రకాష్ కుమార్ అందించిన బి జి ఎమ్ ఈ గ్లింప్స్ కు హైలెట్ గా నిలిచింది. ఇక ఈ చిత్రంలో రవితేజ సరసన నుపూర్ సనన్, గాయత్రి భరద్వాజ్ హీరోయిన్లుగా నటిస్తున్నారు. తెలుగుతో పాటు తమిళ, కన్నడ, మలయాళ, హిందీ భాషల్లో ఈ చిత్రం ఏకకాలంలో రిలీజ్ కానుంది.

కృష్ణ వృంద విహారి సినిమా రివ్యూ & రేటింగ్!

Most Recommended Video

అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!