Waltair Veerayya: ‘వాల్తేరు వీరయ్య’లో మూడో హీరో కానీ..!

September 14, 2022 / 08:26 PM ISTByFilmy Focus

Join Us

Waltair Veerayya: ‘వాల్తేరు వీరయ్య’లో మూడో హీరో కానీ..!

ఇంకో హీరో లేని చిరంజీవి సినిమాను ఇప్పట్లో ఊహించలేమా? అవుననే అనిపిస్తోంది రీసెంట్‌గా వస్తున్న ప్రకటనలు, పుకార్లు చూస్తుంటే. ‘సైరా’ సౌత్‌ నుండి చాలా మంది స్టార్‌ నటుల్ని తీసుకొచ్చి నటింపజేశారు. పెద్ద పెద్ద పాత్రలు కాకపోయినా.. స్క్రీన్‌ ఫుల్‌ యాక్టివ్‌గా కనిపించింది. మొన్నీ మధ్య వచ్చిన ‘ఆచార్య’లో రామ్‌చరణ్‌ను తీసుకున్నారు. సినిమా తేడా కొట్టేసింది అనుకోండి. అయితే ఆ తర్వాత వచ్చే సినిమాల్లోనూ ఇదే పరిస్థితిని ఫాలో అవుతున్నాడు చిరంజీవి.

చిరంజీవి నెక్స్ట్‌ సినిమాలు లిస్ట్‌ పెద్దగానే ఉంది. ఈ క్రమంలో ఒక్కొక్కటిగా చూసుకుంటూ వెళ్దాం. చిరంజీవి రాబోయే సినిమా ‘గాడ్‌ ఫాదర్‌’లో సల్మాన్‌ ఖాన్‌ నటిస్తున్న విషయం తెలిసిందే. ఈ సినిమాలో ఇద్దరూ డ్యాన్స్‌లు కూడా వేశారు. ‘తార్‌ మార్‌ తక్కడ్‌ మార్‌’ అని. రేపు ఆ పాట రిలీజ్‌ కూడా అవుతోంది. ఇక ఆ తర్వాత వచ్చే ‘వాల్తేరు వీరయ్య’ ( సినిమా పేరు అధికారికంగా ప్రకటించలేదు) లోనూ ఇదే పరిస్థితి. ఓ కీలక పాత్ర కోసం రవితేజను తీసుకున్నారు.

అయితే ఇప్పుడు మరో మాట వినిపిస్తోంది. ఈ సినిమాలో మరో ముఖ్యమైన పాత్ర కోసం వెంకటేశ్‌ నటిస్తున్నారని చెబుతున్నారు. ఇందులో ఓ పోలీసు అధికారి పాత్ర ఉందని, అది వెంకీ చేస్తున్నారని టాక్‌. త్వరలోనే ఆ సన్నివేశాలు చిత్రీకరిస్తారని చెబుతున్నారు. ఇప్పటికే వెంకీ సల్మాన్‌ ఖాన్‌ సినిమాలో ముఖ్య పాత్రలో నటిస్తున్న విషయం తెలిసిందే. ఇప్పుడు చిరంజీవితో చేస్తే ఇంకో ముఖ్య పాత్ర అవుతుంది. 2023 సంక్రాంతి కానుకగా ఈ సినిమా ప్రేక్షకుల ముందుకు రానుంది.

వరుస సినిమాలు అన్నారు. ‘భోళా శంకర్‌’లో కూడా ఇంకో హీరో ఉన్నాడా? అంటారా? ఉన్నాడు మరి. అందులో చిరంజీవి చెల్లెలు పాత్ర వేస్తున్న కీర్తి సురేశ్‌కు భర్త క్యారెక్టర్‌ ఒకటి ఉందట. దాని కోసం ఓ కుర్ర హీరో అయితే బాగుంటుందని చెబుతున్నారు. ఆ మధ్య ఆ పాత్ర కోసం నితిన్‌ను అడిగారని టాక్‌ నడిచింది. దీనిపై క్లారిటీ రావాల్సి ఉంది.