మళ్ళీ సినిమాల్లో బిజీ అవుతున్న బ్రహ్మానందం

మన హాస్యబ్రహ్మ బ్రహ్మానందం వెండితెరపై కనిపించి చాలా కాలమైంది. కొత్త కామెడియన్ల ప్రవాహం ఎక్కువవ్వడం, బ్రహ్మీ రెమ్యూనరేషన్ కూడా ఎక్కువగా ఉండడంతో ఆయన కొన్ని సినిమాలను వద్దనుకొంటే.. ఇంకొందరు ఆయన్ను వద్దనుకొన్నారు. దానికితోడు ఆయన ఆరోగ్యం కూడా బాగోకపోవడంతో ఆయనే సినిమాలకు దూరంగా ఉంటూ వచ్చాడు. కానీ.. ఇటీవల ముంబైలో హార్ట్ సర్జరీ అనంతరం ఆయన ఆరోగ్యం స్తిమితపడడంతోపాటు మునుపటి ఉత్సాహం కూడా రావడంతో ఆయన మళ్ళీ సినిమాల్లో బిజీ అవ్వడం మొదలెట్టారు.

• ఎన్టీఆర్ మహానాయకుడు’ రివ్యూ కోసం ఇక్కడ క్లిక్ చెయ్యండి 
• “అంజలి సిబిఐ” రివ్యూ కోసం ఇక్కడ క్లిక్ చెయ్యండి 
• “మిఠాయి”  రివ్యూ కోసం ఇక్కడ క్లిక్ చెయ్యండి

మునుపటిలా ఆయన వరుస సినిమాలు సైన్ చేస్తున్నాడట. కాకపోతే.. మరీ తీసిపారేసే రోల్స్ కాకుండా కాస్త వెయిట్ ఉన్న క్యారెక్టర్స్ సెలక్ట్ చేసుకుంటున్నాడు బ్రహ్మీ. అసలు కేవలం బ్రహ్మీ కోసమే హిట్ అయిన సినిమాలు చాలా ఉన్నాయి. అలాంటిది ఆయన వెండితెరకు దూరమవ్వడంతో హాస్యప్రియులందరూ ఆయన్ని, ఆయన కామెడీ టైమింగ్ ను చాలా మిస్ అయ్యారు. మళ్ళీ ఇప్పుడు సినిమాల్లో బ్రహ్మీ బిజీ అవుతుండడం చూసి ఆయన అభిమానులందరూ సంతోషం వ్యక్తం చేస్తున్నారు. ఎంతైనా.. బ్రహ్మీ కామెడీకి ప్రెజంట్ జనరేషన్ కామెడియన్స్ ఎవ్వరూ పోటీ ఇవ్వలేరబ్బా.