తేజ పరిచయం చేసిన హీరోయిన్స్ లో చాలామంది అందలాలెక్కారు. అందులో ముఖ్యులు సదా, కాజల్. ఇంకా చాలామంది హీరోయిన్లు తేజ దర్శకత్వంలో నటించినప్పటికీ.. వాళ్ళందరూ పలు కారణాల వల్ల ఇండస్ట్రీకి దూరమైపోయారు. కానీ.. సదా, కాజల్ మాత్రం ఇండస్ట్రీలో లెక్కలేనన్ని సినిమాల్లో నటించడమే కాక అగ్ర కథానాయిక స్థానానికి పోటీపడే స్థాయికి ఎదిగారు. అలా ఇండస్ట్రీలో హీరోయిన్ గా సెటిల్ అవ్వాలన్న ఆశతో తేజ దర్శకత్వంలో రూపొందిన “హోరా హోరీ” చిత్రం ద్వారా పరిశ్రమకు పరిచయమైన కథానాయకి దక్ష నగ్రాకర్. ఆ సినిమా మేకింగ్ టైమ్ లో వచ్చిన బజ్ కి, అమ్మడి పెర్ఫార్మెన్స్ కి ఆమె తప్పకుండా ఒన్నాఫ్ ది బెస్ట్ హీరోయిన్ గా నిలుస్తుంది అనుకొన్నారందరూ.
కట్ చేస్తే.. సినిమా డిజాస్టర్ అవ్వడంతో ఆమెకు కనీస స్థాయి గుర్తింపు లభించలేదు. దాంతో ఆమెకు సెకండ్ సినిమా ఛాన్స్ లభించడానికి దాదాపు మూడేళ్లు పట్టింది. ఆమె నటించిన తాజా చిత్రం “హుషారు” సినిమాలోని ఫస్ట్ సాంగ్ ను ఇవాళ విడుదల చేశారు. ఈ సందర్భంగా మీడియా ముందు ప్రత్యక్షమైన దక్షను చూసి అందరూ షాక్ అయ్యారు. ఇన్నాళ్లూ ఈ పిల్ల ఏమైపోయిందని ఎంక్వైల్రీలు మొదలెట్టారు. మరి ఈ “హుషారు” సినిమాతోనైనా దక్ష తాను అనుకున్నది సాధించగలుగుతుందో లేదో చూడాలి.
