Agent OTT: ఇక నో డిలే.. ‘ఏజెంట్’ ఓటీటీ రిలీజ్ డేట్ ఫిక్స్..!

అఖిల్ అక్కినేని హీరోగా స్టార్ డైరెక్టర్ సురేందర్ రెడ్డి దర్శకత్వంలో తెరకెక్కిన భారీ బడ్జెట్ అండ్ యాక్షన్ మూవీ ‘ఏజెంట్’ . ఈ ఏడాది ఏప్రిల్ 28 న ఈ సినిమా ప్రేక్షకుల ముందుకు వచ్చింది. మొదటి షోతోనే మిక్స్డ్ రెస్పాన్స్ ను మూటగట్టుకున్న ఈ సినిమా బాక్సాఫీస్ వద్ద కూడా పెద్దగా మెరుపులు మెరిపించలేకపోయింది. దాదాపు రూ.80 కోట్ల భారీ బడ్జెట్ తో ఈ చిత్రాన్ని ‘ఎకె ఎంటర్టైన్మెంట్స్ ‘ బ్యానర్ పై అనిల్ సుంకర నిర్మించారు. మమ్ముట్టి వంటి స్టార్లు ఈ సినిమాలో నటించడం జరిగింది. టెక్నికల్ గా చాలా హై స్టాండర్డ్స్ తో తీసిన మూవీ ఇది. అయినా ఫలితం ఆశించిన స్థాయిలో రాకపోవడం జరిగింది.

స్క్రిప్ట్ లేకుండా ప్రాజెక్టు మొదలుపెట్టి తప్పుచేశామని నిర్మాత అనిల్ సుంకర చాలా సందర్భాల్లో చెప్పుకొచ్చారు. ఈ విషయాలు పక్కన పెట్టేస్తే.. ‘ఏజెంట్’ చిత్రాన్ని థియేటర్లలో మిస్ అయిన వాళ్ళు ఓటీటీలో చూడాలని ఆసక్తిగా ఎదురుచూస్తున్నారు. అయితే సినిమా రిలీజ్ అయ్యి 5 నెలలు కావస్తున్నా ఇంకా ఈ సినిమా ఓటీటీలో రిలీజ్ కాలేదు.

దానికి గల కారణాలు అడిగితే నిర్మాత అనిల్ సుంకర కూడా తనకి తెలీదు అని ‘సామజవరగమన’ సినిమా ప్రమోషన్స్ లో చెప్పారు. అయితే ఎట్టకేలకు ఈ సినిమా ఓటీటీలో స్ట్రీమింగ్ కి రెడీ అయ్యింది. సెప్టెంబర్ 29 నుండి సోనీ లివ్ లో ‘ఏజెంట్’ స్ట్రీమింగ్ కానుంది.

మార్క్ ఆంటోనీ సినిమా రివ్యూ & రేటింగ్!

ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!