Aha Na Pellanta Trailer : విభిన్న పాత్రల్లో ఆకట్టుకుంటున్న రాజ్ తరుణ్, శివాని!

November 4, 2022 / 05:40 PM ISTByFilmy Focus

Join Us

Aha Na Pellanta Trailer : విభిన్న పాత్రల్లో ఆకట్టుకుంటున్న రాజ్ తరుణ్, శివాని!

యంగ్ అండ్ టాలెంటెడ్ హీరో రాజ్ తరుణ్, శివాని రాజశేఖర్ మెయిన్ లీడ్స్‌గా.. సంజీవ్ రెడ్డి డైరెక్షన్లో వస్తున్న వెబ్‌సిరీస్.. ‘అహ నా పెళ్లంట’.. (కనీ..వినీ..ఎరుగని గోలంట!).. జీ5, తమాడా మీడియా ప్రొడక్షన్ సంస్థలు సంయుక్తంగా నిర్మిస్తున్నాయి.. యూత్, ఫ్యామిలీ, లవ్ అండ్ ఎమోషనల్ ఎంటర్‌టైనర్‌గా తెరకెక్కుతున్న ఈ సిరీస్ టీజర్ ఇటీవల రిలీజ్ చేయగా మంచి రెస్పాన్స్ వచ్చింది.. పేరెంట్స్‌తో పెళ్లికి అమ్మాయిని చూడమని చెప్తాడు హీరో.. తీరా పెళ్లి ఫిక్స్ చేశాక.. తన లైఫ్‌లోకి మరో అమ్మాయి రావడం..

అటు పెద్దలు కుదిర్చిన పెళ్లి.. ఇటు తనకు నచ్చిన అమ్మాయి.. ఎటు తేల్చుకోలేని పరిస్థితుల్లో ‘అహ నా పెళ్లంట’ అనుకునేలానే తయారవుతుంది హీరో పరిస్థితి.. ఈ ప్రాబ్లమ్‌‌ని ఎలా సాల్వ్ చేసుకున్నాడు అనేదే కథ అని టీజర్ చూసిన వారంతా అనుకున్నారు.. కట్ చేస్తే.. ట్రైలర్‌తో అందరికీ క్లారిటీ ఇచ్చారు టీమ్.. రీసెంట్‌గా ‘అహ నా పెళ్లంట’ ట్రైలర్ రిలీజ్ చేశారు. హీరో శీను, తన నాన్న ‘నో బాల్ నారాయణ’ ను పరిచయం చెయ్యడంతో స్టార్ట్ అయిన ట్రైలర్ ఇంట్రెస్టింగ్‌గా ఉంది..

తండ్రి తనను క్రికెటర్‌ని చెయ్యాలనుకుని కలలు కంటే.. చివరికి నాన్న పనిచేసే క్రికెట్ క్లబ్‌లోనే ఫిజియో థెరపిస్టుగా పనిచెయ్యడం.. సీరియల్ ఎపిసోడ్లలా పెళ్లి చూపుల తతంగం కొనసాగడం.. తీరా పెళ్లి చేసుకోబోయేసరికి పెళ్లి కూతురు తను ప్రేమించిన వాడితో వెళ్లిపోవడం.. అక్కడి నుండి శీను లైఫ్ ఎలాంటి మలుపు తిరిగింది?.. ఎలాంటి మార్పులు చోటు చేసుకున్నాయి?.. ఆ అమ్మాయిని వెతికి పట్టుకున్నాడా?.. లేక మరో అమ్మాయితో ప్రేమలో పడ్డాడా?.. ఇవన్నీ తెలియాలంటే ఇంకా కొద్ది రోజులు ఆగాల్సిందే..

శీను, పేరెంట్స్, ఫ్రెండ్స్‌, శివానీతో పాటు క్యారెక్టర్లన్నీ ఫ్రెష్‌గా అనిపించాయి.. డైలాగ్స్, సాంగ్స్, విజువల్స్, బ్యాగ్రౌండ్ స్కోర్ చక్కగా కుదిరాయి.. ట్రైలర్ సిరీస్‌పై అంచనాలు పెంచేసింది.. చివర్లో ‘జై బాలయ్య స్లోగన్స్’ సర్‌ప్రైజింగ్‌గా అనిపించాయి.. మొత్తం 8 ఎపిసోడ్స్ సిరీస్‌గా రూపొందుతున్న ‘అహ నా పెళ్లంట’.. (కనీ..వినీ.. ఎరుగని గోలంట!) నవంబర్ 17 నుండి జీ 5లో స్ట్రీమింగ్ కానుంది.