బాలయ్య షో కోసం ఈసారి భలే ఆలోచన!

అనుష్కను వెండితెరపై చూసి చాలా రోజులైంది. కనీసం టీవీల్లో, ఓటీటీల్లో అయినా చూద్దాం అంటే సినిమాలు చేయడం లేదు. ఈమె విషయం పక్కన పెడదాం. సమంతను చూసి ఎన్ని రోజులైంది. విడాకులు తర్వాత పెద్దగా ఎక్కడా కనిపించింది లేదు. ఏదో బాలీవుడ్‌ టీవీ షోలో కనిపించింది అంతే. అయితే ఈ ఇద్దరినీ ఓటీటీలోకి తీసుకురావాలని చూస్తోంది ఆహా. ప్రేక్షకులతో ఆహా అనిపించే ఈ ప్రయత్నం చేస్తోంది ‘ఆహా’ టీమ్‌. అయితే ఇద్దరూ కలసి వస్తారా? లేక వేర్వేరుగా వస్తారా అనేది చూడాలి.

నందమూరి బాలకృష్ణ ‘అన్‌స్టాపబుల్‌ 2’ త్వరలో స్టార్ట్‌ అవుతుంది. ఈ షోకి సంబంధించి థీమ్‌ సాంగ్‌ను త్వరలో విడుదల చేస్తున్నారు కూడా. అయితే ఈ షోకి గెస్ట్‌లుగా ఈసారి హీరోయిన్లు కూడా ఉంటారని తెలుస్తోంది. అంటే తొలి సీజన్‌లో రష్మిక మందన తప్ప ఇంకెవరూ రాలేదు. ఆమె కూడా ‘పుష్ప’ ప్రచారంలో భాగంగా వచ్చిందే. అయితే రెండో సీజన్‌లో హీరోయిన్లను ఎక్కువగా తీసుకొచ్చే ప్రయత్నాలు చేస్తున్నారట ఆహా టీమ్‌.

‘అన్‌స్టాపబుల్‌ 2’ను పవన్‌ కల్యాణ్‌ – త్రివిక్రమ్‌తో స్టార్ట్‌ చేస్తారని ఆ మధ్య వార్తలొచ్చాయి. అంటే ఈ సీజన్‌ను ఫ్రెండ్స్‌ అనే కాన్సెప్ట్‌లో నడుపుతారు అని అంటున్నారు. ఒకవేళ ఇది నిజమైతే.. సమంత, అనుష్క కలసి రావొచ్చు. లేదంటే వేర్వేరుగా రావొచ్చు. అనుష్క అయితే ఈ మధ్య ఓ ఇంటర్వ్యూలో మాట్లాడుతూ బాలయ్య షో కనిపించబోతున్నా అని చూచాయగా చెప్పిందట. కాబట్టి ఆమె ఫిక్స్‌ అనుకోవచ్చు. ఇక సమంత అంటే ‘ఆహా’ మనిషి.

గతంలో ‘సామ్‌ జామ్‌’ అనే షో కూడా చేసింది వారి కోసం. ఆమె రాక కూడా ఈజీనే. మరి చూద్దాం. అన్నీ అనుకున్నట్లుగా జరుగుతాయో లేదో. ఒకవేళ అనుష్క బయటకు వస్తే ఆసక్తికర విషయాలు బయటకు ఏమీ వచ్చే పరిస్థితి ఉండదు. అయితే సమంత వస్తే మాత్రం కొన్ని ఆసక్తికర ప్రశ్నలు బయటకు వస్తాయి. సమాధానాల సంగతి చూడాలి. అయితే బాలకృష్ణకు, నాగార్జునకు మధ్య అంతగా సఖ్యత లేదు. దీంత సమంత ఎపిసోడ్‌ చాలా ఆసక్తికరంగా ఉంటుంది.

ఆ అమ్మాయి గురించి మీకు చెప్పాలి సినిమా రివ్యూ & రేటింగ్!

Most Recommended Video

శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!