సౌత్ ఇండియన్ సూపర్ స్టార్ రజనీకాంత్, కమర్షియల్ డైరక్టర్ శంకర్ కలయికలో వచ్చిన రోబో సంచలన విజయం సాధించింది. మళ్లీ అదే కాంబినేషన్లో తెరకెక్కిన మరో కళాఖండం 2 .o. అయితే రోబోలో ఐశ్వర్య రాయ్ హీరోయిన్ గా నటిస్తే.. ఇందులో ఎమీజాక్సన్ కథానాయికగా నటిస్తోంది. బాలీవుడ్ యాక్షన్ హీరో అక్షయ్ కుమార్ విలన్ గా నటిస్తున్న ఈ సినిమా షూటింగ్ పూర్తి చేసుకొని పోస్ట్ ప్రొడక్షన్ వర్క్ జరుపుకుంటోంది. భారీ బడ్జెట్తో లైకా ప్రొడక్షన్స్ సంస్థ నిర్మిస్తోన్నఈ మూవీ టీజర్ ప్రకంపనలు సృష్టించింది. హాలీవుడ్ రేంజ్ లో తెరకెక్కిన ఈ సినిమాని ప్రపంచవ్యాప్తంగా నవంబర్ 29న విడుదల చేయడానికి సన్నాహాలు చేస్తున్నారు.
ఎంతోమంది ఎదురుచూస్తున్న సినిమా గురించి ఆసక్తికర విషయం బయటికి వచ్చింది. ఈ సినిమాలో అందాల తార ఐశ్వర్యరాయ్ కూడా ఒక ముఖ్యమైన పాత్రలో కనిపించనుందని సమాచారం. చిన్న సీన్ అయినప్పటికీ ఐశ్వర్యరాయ్ అందరితో చప్పట్లు అందుకుంటుందని కోలీవుడ్ వర్గాలు తెలిపాయి. ఐశ్వర్యరాయ్ అభిమానులకు ఈ న్యూస్ ఎంతో సంతోషాన్ని కలిగించింది. రోబోలో ఐశ్వర్య నటన, డ్యాన్స్.. అందాలతో ఆకట్టుకుంది. ఇందులోనూ ఆమె మంచి విందు ఇవ్వడం గ్యారంటీ అని ఫ్యాన్స్ ఫిక్స్ అయిపోయారు.
Home