Aishwarya Rajesh : బాలయ్య సినిమాలో ఐశ్వర్య రాజేశ్.. కానీ హీరోయిన్ కాదట !

నందమూరి బాలకృష్ణ వరుస సినిమాలతో ఫుల్ జోష్‌లో ఉన్నారు. ప్రస్తుతం గోపీచంద్ మలినేని దర్శకత్వంలో రూపొందుతున్న చిత్రంలో నటిస్తున్న ఆయన, ఆ తర్వాత స్టార్ డైరెక్టర్ కొరటాల శివతో చేయనున్న ప్రాజెక్ట్‌పై కూడా భారీ అంచనాలు నెలకొన్నాయి. ఇప్పటికే ఈ సినిమా అధికారికంగా ప్రారంభం కాగా, తాజాగా దీనికి సంబంధించిన మరో ఆసక్తికర వార్త టాలీవుడ్‌లో చక్కర్లు కొడుతోంది.

Aishwarya Rajesh

సినీ వర్గాల్లో వినిపిస్తున్న సమాచారం ప్రకారం, ఈ చిత్రంలో నటి ఐశ్వర్య రాజేశ్‌కు కీలక పాత్ర దక్కినట్లు ప్రచారం జరుగుతోంది. అయితే ఆమె హీరోయిన్‌గా కాకుండా కథలో బలమైన ప్రాధాన్యం ఉన్న నెగిటివ్ షేడ్స్ కలిగిన పాత్రలో కనిపించే అవకాశం ఉందని టాక్ వినిపిస్తోంది. ఇదే నిజమైతే, స్టార్ హీరో చిత్రంలో ఆమె తొలిసారి పూర్తి స్థాయి ప్రతినాయక ఛాయలున్న పాత్రను పోషించినట్లవుతుంది.

ఇక బాలకృష్ణ పాత్ర విషయానికి వస్తే, సినిమాలో రెండో భాగంలో వచ్చే ఫ్లాష్‌బ్యాక్ ఎపిసోడ్ ప్రత్యేక ఆకర్షణగా నిలవనుందనే వార్తలు వినిపిస్తున్నాయి. ఆ భాగంలో బాలయ్య సరికొత్త గెటప్‌లో కనిపించడమే కాకుండా, మాఫియా బ్యాక్‌డ్రాప్‌తో కూడిన పవర్‌ఫుల్ పాత్రలో అలరించనున్నారని సినీ వర్గాల్లో చర్చ సాగుతోంది. మాస్ యాక్షన్‌తో పాటు భావోద్వేగాలకు కూడా సినిమాలో సమాన ప్రాధాన్యం ఉంటుందని అంటున్నారు.

‘దేవర’ తర్వాత కొరటాల శివ తెరకెక్కిస్తున్న చిత్రం కావడంతో కథ, పాత్రల రూపకల్పన విషయంలో ఆయన ప్రత్యేక శ్రద్ధ తీసుకున్నారని సమాచారం. ప్రేక్షకులకు కొత్త అనుభూతి ఇచ్చేలా కథను సిద్ధం చేశారని టాలీవుడ్ వర్గాలు చెబుతున్నాయి. ఈ చిత్రాన్ని నిర్మాతలు సుధాకర్ చెరుకూరి, సుధాకర్ మిక్కిలినేని సంయుక్తంగా నిర్మిస్తున్నారు. అయితే ఐశ్వర్య రాజేశ్ పాత్రకు సంబంధించి వస్తున్న వివరాలపై చిత్రబృందం నుంచి ఇంకా అధికారిక ప్రకటన వెలువడలేదు. అయినప్పటికీ ఈ ప్రచారం అభిమానుల్లో ఆసక్తిని పెంచుతోంది. ఒకవేళ ఈ వార్త నిజమైతే, ఐశ్వర్య రాజేశ్ కెరీర్‌లో ఇది మరో విభిన్నమైన, గుర్తుండిపోయే పాత్రగా నిలిచే అవకాశాలు కనిపిస్తున్నాయి.

Committee Kurrollu: రేపు రిలీజ్ అనగా ఓటీటీ కూడా అవ్వలేదు.. పైగా నెగిటివ్ టాక్