Aishwarya: స్టార్ హీరోను డైరెక్ట్ చేయబోతున్న ధనుష్ మాజీ భార్య!

March 12, 2022 / 02:30 PM ISTByFilmy Focus

Join Us

Aishwarya: స్టార్ హీరోను డైరెక్ట్ చేయబోతున్న ధనుష్ మాజీ భార్య!

రజనీకాంత్ పెద్ద కూతురు ఐశ్వర్య రజనీకాంత్ తన భర్త ధనుష్ నుంచి విడాకులు తీసుకున్న విషయం తెలిసిందే. ధనుష్ తో చాలా కాలంగా మనస్పర్థలు రావడంతో ఐశ్వర్య విడాకులు తీసుకున్నట్లు టాక్ వచ్చింది. అయితే విడాకుల అనంతరం కొన్ని రోజులకు అస్వస్థతకు గురైన ఐశ్వర్య హాస్పిటల్ లో ఉంటూ సోషల్ మీడియాలో ఒక పోస్ట్ కూడా చేసింది. ఈ ఏడాది తనకు కోలుకోలేని చేదు అనుభవాలు ఎదురైనట్లు కూడా ప్రత్యేకంగా సోషల్ మీడియాలో వివరణ ఇవ్వడంతో అప్పట్లో వైరల్ గా మారిన విషయం తెలిసిందే.

Click Here To Watch Now

ఇక ఐశ్వర్య జరిగిపోయిన వాటిని గుర్తు చేసుకోకుండా మళ్ళీ ఎప్పటిలానే తన సినిమా కెరీర్ ను కొనసాగించాలని అనుకుంటుంది.దర్శకురాలిగా మంచి గుర్తింపును అందుకున్న ఆమె ధనుష్ 3 అనే సినిమాను తెరకెక్కించింది. ఆ సినిమా అనుకున్నంత సక్సెస్ కాకపోయినప్పటికీ దర్శకురాలిగా అయితే ఆమెకు మంచి క్రేజ్ దక్కింది ఇక ఆ తర్వాత సీనియర్ హీరో కార్తీక్ కొడుకు గౌతమ్ తో ఒక సినిమా చేసి కమర్షియల్ గా మంచి హిట్ అయితే అందుకుంది.

ఆ తరువాత ఒక డాక్యుమెంటరీ కూడా తీసినా ఐశ్వర్య ప్రముఖుల ప్రశంసలు కూడా అందుకుంది. ఇక ఇప్పుడు కూడా విడాకుల అనంతరం మొదటిసారి సినిమా కెరీర్ ప్రస్తావన తీసుకు రావడం విశేషం. ఇటీవల తనకు దర్శకురాలిగా సెట్స్ లోకి వెళ్ళాలని ఉంది అని చాలా ఓపెన్ గా చెప్పేసింది. త్వరలోనే దర్శకురాలిగా తన ప్రయాణం మళ్లీ మొదలవుతుంది అని కూడా వివరణ ఇచ్చింది ఇక ప్రస్తుతం ఆ విషయంలో తమిళ మీడియాలో రకరకాల కథనాలు వెలువడుతున్నాయి.

అయితే ఐశ్వర్య, శింబుతో సినిమా చేసే అవకాశం ఉన్నట్లు తెలుస్తోంది. చాలా కాలంగా శింబుకు, ఐశ్వర్యకు మంచి పరిచయం ఉంది. వీరి కలయికలో ఓ సినిమా కూడా వస్తుంది అని గత కొన్ని ఏళ్లుగా టాక్ నడుస్తోంది. మరి ఆ వార్తలు ఎంతవరకు నిజమో తెలియాలంటే అఫీషియల్ ప్రకటన వచ్చే వరకు ఆగాల్సిందే.