కమల్ హాసన్ తో స్క్రీన్ షెసుకోనున్న బాలీవుడ్ హీరో

విశ్వనటుడు కమల్ హాసన్ నటించిన సినిమాల్లో భారతీయుడు(ఇండియన్) చిత్రానికి ఓ ప్రత్యేకత ఉంది. దేశభక్తి సినిమాగా వచ్చి సంచలన విజయం సాధించింది. తమిళంలో తెరకెక్కిన ఈ మూవీ తెలుగు, హిందీల్లోనూ భారీ విజయాన్ని అందుకుంది. 1996 రిలీజ్ అయిన ఈ సినిమా ఎన్నో రికార్డులను క్రియేట్ చేసింది. ఆ చిత్రానికి సీక్వెల్ పనులు మొదలయ్యాయి. కమల్ హాసన్ రాజకీయంలో బిజీ అయ్యే లోపున మంచి హిట్ కొట్టాలని అనుకుంటున్నారు. అందుకే శంకర్ కి ఎక్కువ డేట్స్ కేటాయించారు. ప్రస్తుతం శంకర్ సూపర్ స్టార్ రజినీకాంత్ తో 2 .O సినిమా చేస్తున్నారు. ఇది తుది దశలో ఉంది.

ఈ సినిమా పోస్ట్ ప్రొడక్షన్ పనులను పర్వవేక్షిస్తూనే.. భారతీయుడు 2 కి ప్రీ ప్రొడక్షన్ పనులను చేస్తున్నారు. ఇందుకోసం ఆర్టిస్టుల సెలక్షన్ మొదలు పెట్టినట్టు తెలిసింది. ముందుగా బాలీవుడ్ హీరో అజయ్‌ దేవగణ్‌ ని సెలక్ట్ చేసినట్టు తెలిసింది. ఈ విషయాన్ని కమల్ హాసన్ ధృవీకరించారు. “భారతీయుడు 2 లో అజయ్‌ దేవగణ్‌ నటిస్తున్నట్లు నాకూ తెలిసింది. ఇది పూర్తిగా మా దర్శకుడు శంకర్ నిర్ణయం. ఈ చిత్రానికి హిందీలో కూడా క్రేజ్ రావాలంటే అక్కడి స్టార్స్ ఉండాలి. అందుకే బాలీవుడ్‌ నటుల్ని కూడా తీసుకోవాలని దర్శకుడు శంకర్ భావిస్తున్నారు” అని చెప్పారు.