Ajay Devgn: ఆస్కార్ అవార్డ్ పై అజయ్ దేవగణ్ కామెంట్స్ వింటే షాకవ్వాల్సిందే!

March 25, 2023 / 04:03 PM ISTByFilmy Focus

Join Us

Ajay Devgn: ఆస్కార్ అవార్డ్ పై అజయ్ దేవగణ్ కామెంట్స్ వింటే షాకవ్వాల్సిందే!

=ఆర్.ఆర్.ఆర్ సినిమాలోని నాటు నాటు సాంగ్ కు ఆస్కార్ అవార్డ్ రావడం వెనుక ఎంతోమంది కృషి ఉంది. ఈ సినిమాలో అజయ్ దేవగణ్(Ajay Devgn) కీలక పాత్రలో నటించి మెప్పించిన సంగతి తెలిసిందే. అయితే నాటు నాటు సాంగ్ కు ఆస్కార్ అవార్డ్ రావడం గురించి అజయ్ దేవగణ్ ను అడగగా నా వల్లే నాటు నాటు సాంగ్ కు అవార్డ్ వచ్చిందని ఆయన అన్నారు. నీ వల్ల ఎలా వచ్చిందని అడిగితే “ఆ పాటకు నేను డ్యాన్స్ చేస్తే పరిస్థితి ఏంటి” అంటూ సరదాగా కామెంట్లు చేశారు.

భోళా సినిమా ప్రమోషన్స్ లో భాగంగా అజయ్ దేవగణ్ ఈ విషయాలను వెల్లడించారు. ఈ నెల 30వ తేదీన ఈ సినిమా థియేటర్లలో రిలీజ్ కానుండగా ఈ సినిమాపై అంచనాలు అంతకంతకూ పెరుగుతున్నాయి. ఈ సినిమా ప్రమోషన్స్ లో భాగంగా అజయ్ దేవగణ్ వరుస ఇంటర్వ్యూలతో బిజీగా ఉన్నారు. మరోవైపు ఆర్.ఆర్.ఆర్ సినిమా విడుదలై నేటికి ఏడాది అవుతోంది. ఈ సినిమా ఫుల్ రన్ లో 1200 కోట్ల రూపాయల కంటే ఎక్కువ మొత్తం కలెక్షన్లను సొంతం చేసుకుంది.

జక్కన్న పేరు సైతం ప్రపంచవ్యాప్తంగా మారుమ్రోగుతోంది. జక్కన్న తర్వాత సినిమాల హక్కుల కోసం మంచి డిమాండ్ నెలకొంది. ఆర్.ఆర్.ఆర్ మూవీ ఎన్నో అవార్డులను సైతం సొంతం చేసుకుందనే సంగతి తెలిసిందే. ఈ సినిమా అంచనాలను మించి విజయాన్ని అందుకుంది. ప్రస్తుతం మహేష్ సినిమాపై జక్కన్న పూర్తిస్థాయిలో దృష్టి పెట్టారు.

ఈ సినిమాను జక్కన్న భారీ రేంజ్ లోనే తెరకెక్కించనున్నారని సమాచారం అందుతోంది. ఈ సినిమా కోసం హాలీవుడ్ టెక్నీషియన్లు పని చేస్తారని ఇండస్ట్రీలో వినిపిస్తున్నా ఆ వార్తల్లో నిజానిజాలు తెలియాల్సి ఉంది. రాజమౌళి డైరెక్షన్ లో సినిమా కోసం మహేష్ బాబు ఆసక్తిగా ఎదురుచూస్తున్నారని తెలుస్తోంది.