మరో హిందీ ప్రాజెక్ట్ అనౌన్స్ చేసిన రకుల్!

టాలీవుడ్ లో స్టార్ హీరోయిన్ గా వెలుగొందిన రకుల్ కి ఇప్పుడు తెలుగులో అవకాశాలు తగ్గాయి. డ్రగ్స్ వివాదంలో ఆమె పేరు వినిపించడంతో ఇక రకుల్ కెరీర్ కి ఫుల్ స్టాప్ పడిందని అంతా అనుకున్నారు. కానీ ఆ కేసులో తన తప్పేమీ లేదని రకుల్ నిరూపించుకుంది. ఇప్పుడు ఆమెకి వరుస ఆఫర్లు వస్తున్నాయి. అది కూడా బాలీవుడ్ నుండి కావడం విశేషం. ఈరోజు రకుల్ నుండి మరో బాలీవుడ్ సినిమా అనౌన్స్మెంట్ వచ్చింది.

అజయ్ దేవగన్, సిద్ధార్థ్ మల్హోత్రా హీరోలుగా ఇంద్రకుమార్ దర్శకత్వంలో రూపొందుతోన్న ‘థాంక్ గాడ్’ అనే సినిమాలో రకుల్ హీరోయిన్ గా నటించనుంది. ఇప్పటికే ఆమె అజయ్ దేవగన్ స్వీయ దర్శకత్వంలో తెరకెక్కుతోన్న ‘మే డే’ అనే సినిమాలో నటిస్తోంది. గతంలో వీరిద్దరి కాంబినేషన్ లో ‘దే దే ప్యార్ దే’ అనే సినిమాలో వచ్చింది. ఆ సినిమా రిలీజై మంచి టాక్ ను దక్కించుకుంది. అప్పటినుండి అజయ్ దేవగన్ తన సినిమాల్లో హీరోయిన్ గా రకుల్ కి వరుస ఆఫర్లు ఇస్తున్నాడు.

అజయ్ కి యాభై ఏళ్లు దాటడంతో తన పక్కన సూటయ్యే హీరోయిన్ ను తీసుకోవాలనే ఉద్దేశంతో రకుల్ కి ఛాన్స్ లు ఇస్తున్నట్లు తెలుస్తోంది. ఈ మధ్యకాలంలో రకుల్ సీనియర్ హీరోల పక్కన నటించడం మొదలుపెట్టింది. తెలుగులో కూడా నాగార్జున సరసన ఓ సినిమాలో నటించింది. ఓ పక్కన సీనియర్ హీరోలతో నటిస్తూనే మరోపక్క కుర్ర హీరోలతో కూడా రొమాన్స్ చేస్తుంది ఈ బ్యూటీ.

Most Recommended Video

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!