సైలెంట్ గా సూపర్ హిట్స్ కొట్టేస్తున్న అజయ్ దేవగన్

బాలీవుడ్ అనగానే అందరికీ ఇమ్మీడియట్ గా గుర్తొచ్చే పేర్లు షారుక్, సల్మాన్ & అమీర్. ఈ ముగ్గురి తరవాతే ఎవరైనా అన్నట్లు ఉంటుంది పరిస్థితి. అయితే.. పాపులారిటీ పరంగా ఈ ముగ్గురు ఖాన్ హీరోలు తోపులైనా.. సక్సెస్ ల పరంగా వాళ్ళకంటే అక్షయ్ కుమార్, అజయ్ దేవగన్ లు బెటర్ అన్నట్లు తయారవుతోంది పరిస్థితి. షారుక్ ఖాన్ హిట్ కొట్టి చాలా కాలమవుతోంది. సల్మాన్ గ్యాప్ లేకుండా సినిమాలు చేస్తున్న అవి జనాలకి నచ్చడం లేదు. ఇక అమీర్ ఖాన్ ఎప్పుడో రెండు మూడేళ్ళకి ఒక సినిమా చేస్తుంటాడు. కానీ.. అక్షయ్ కుమార్ మాత్రం ఏడాదికి మూడు నుండి నాలుగు సినిమాలు చేస్తూ సూపర్ సక్సెస్ ఫుల్ గా దూసుకుపోతున్నాడు. అక్షయ్ కుమార్ అంత ఫాస్ట్ గా కాకపోయినా.. ఒక డీసెంట్ స్పీడ్ తో వరుస విజయాలు అందుకుంటూ తన స్టార్ పవర్ ను పెంచుకుంటున్న మరో స్టార్ హీరో అజయ్ దేవగన్.

అజయ్ దేవగన్ నటించిన తాజా చిత్రం “తానాజీ” గత శుక్రవారం విడుదలై మంచి టాక్ తో కేవలం 5 రోజుల్లోనే 100 కోట్ల రూపాయల గ్రాస్ ను కలెక్ట్ చేసింది. మొదటి 10 రోజుల్లోనే 15 కోట్లు వసూలు చేసినా ఆశ్చర్యపోనక్కర్లేదు. ఈ సినిమా అజయ్ దేవగన్ 100వ సినిమా కావడం విశేషం. అజయ్ మునుపటి చిత్రం “దే దే ప్యార్ దే” కూడా 150 కోట్ల రూపాయలు వసూలు చేయడం తెలిసిందే.అజయ్ దేవగన్ త్వరలోనే “ఆర్ ఆర్ ఆర్”తో తెలుగు తెరకు పరిచయం కానున్నాడు. సొ, ఇకనుండి ఆయన నటించిన సినిమాలు తెలుగులోనూ విడుదలయ్యే అవకాశం ఉంది.

సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంత మంచివాడవురా సినిమా రివ్యూ & రేటింగ్!