‘తెగింపు’ తర్వాత అజిత్‌ చేయబోయే సినిమా ఏంటి అనే విషయం ఇప్పటికే అధికారికంగా బయటకు వచ్చేసింది. విఘ్నేష్‌ శివన్‌ దర్శకత్వంలో అజిత్‌ ఓ సినిమాచేయనున్నారు. ప్రస్తుతం ప్రీ ప్రొడక్షన్‌ పనులు జరుపుకుంటోన్న ఈ సినిమా గురించి ఓ ఆసక్తికర విషయం బయటికొచ్చింది. ఈ సినిమా కోసం ఇద్దరు నటులు సుమారు 29 ఏళ్ల తర్వాత కలుస్తున్నారు. ఇలా మనం ఎప్పుడైనా చెప్పుకుంటే అది హీరో – హీరోయిన్‌ గురించి అవుతుంది. కానీ ఇక్కడ ఇద్దరు హీరోల గురించి చెబుతున్నాం.
అజిత్‌ సినిమా కోసం విఘ్నేష్‌ శివన్‌ భారీ ప్లాన్సే వేస్తున్నట్లు ఆయన మూవ్స్‌ చూస్తేనే తెలుస్తోంది. ఈ సినిమా పండగ తర్వాత సెట్స్‌పైకి వెళ్లనుందని సమాచారం. ‘తునివు’ రిలీజ్‌ అయ్యాక కాస్త టైమ్‌ తీసుకొని అజిత్‌ కొత్త సినిమా స్టార్ట్‌ చేస్తారని తొలుత వార్తలొచ్చాయి. అయితే ఏమైందో ఏమో ఇప్పుడు వెంటనే సినిమా స్టార్ట్‌ చేసేస్తున్నారు. ఈ నేపథ్యంలోనే ఈ సినిమా కోసం ఇతర నటీనటుల్ని ఖరారు చేసే పనిలో ఉంది చిత్ర బృందం. ఇందులో భాగంగా సినిమా కోసం ప్రతినాయకుడిని ఫిక్స్‌ చేశారట.
అందాల హీరోగా పేరుగాంచిన అరవింద్‌ స్వామి, ఇప్పుడు అందమైన, క్రూరమై విలన్‌గా పేరు సంపాదించుకున్నారు. అజిత్‌ సినిమాకు ఆయన్నే విలన్‌గా ఎంచుకున్నారట విఘ్నేశ్‌ శివన్‌. దీనికి అరవింద్‌ స్వామి కూడా ఓకే చెప్పారు అని అంటున్నారు. ఈ సినిమాకి ఆయన పాత్ర ఓ మూలస్తంభంలా ఉంటుందని తెలుస్తోంది. కథలో తన పాత్రకున్న ప్రాధాన్యత ఉంటే తప్పు ఆయన ఈ మధ్య ఓకే చేయడం లేదు. ఆ లెక్కన ఆ పాత్ర ఎంత బలంగా ఉంటుందో చెప్పొచ్చు.
అజిత్‌ 29 ఏళ్ల క్రితం అంటే 1994లో అరవింద్‌ స్వామితో కలసి ఓ సినిమాలో నటించారు. అదే ‘పాసమలర్‌గల్‌’. ఆ సినిమాకు ఆ రోజుల్లో మంచి స్పందన వచ్చింది. ఇప్పుడు మళ్లీ ఇన్నేళ్లకు ఈ కలయికలో ఓ సినిమా రానుండటం ఆసక్తికరం. అదే సమయంలో సినిమాపై ప్రేక్షకుల్లో అంచనాలు ఏర్పడుతున్నాయి. మరి విఘ్నేష్‌ శివన్‌ ఎలాంటి సినిమా తీస్తారో చూడాలి.
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
