Ajith, Sivashankar Master: ‘గాడ్‌ ఫాదర్‌’ టైమ్‌లో ఏం జరిగిందో తెలుసా?

November 30, 2021 / 11:24 AM ISTByFilmy Focus

Join Us

Ajith, Sivashankar Master: ‘గాడ్‌ ఫాదర్‌’ టైమ్‌లో ఏం జరిగిందో తెలుసా?

శివశంకర్‌ మాస్టర్‌ను ఇప్పుడు మన చూస్తే… నవ్వొస్తుంది. ఆయన ఆహార్యం, చిన్నపిల్లాడి మనస్తత్వం, యాస, భాష… ఇలా అన్నింటా ప్రత్యేకంగా నిలుస్తూ కలుపుగోలుగా ఉంటారాయన. అలాంటి మాస్టర్‌ అజిత్‌ లాంటి స్టార్‌ హీరోను భయపెట్టారంటే నమ్ముతారా? కానీ ఇది జరిగింది. అయితే అప్పటికి అజిత్‌ స్టార్‌ హీరో అవ్వలేదు. స్టార్‌గా ఎదిగే క్రమంలో ఉన్నారు. ‘గాడ్‌ ఫాదర్‌’ అనే సినిమా కోసం అజిత్‌తో కలసి పని చేశారు శివశంకర్‌ మాస్టార్‌. అప్పుడే జరిగింది ఇదంతా.

‘గాడ్‌ఫాదర్‌’లో అజిత్‌వి మూడు వేషాలు. ‘నేను అజిత్‌తో ఒక సినిమా చేస్తున్నా. టాకీ అయిపోయింది. ఒక పాత్రకు సంబంధించి షూటింగ్‌ మిగిలి ఉంది. 30 రోజుల మీరు మాతోనే ఉండి పని చేయాలి’’ అని శివశంకర్‌ మాస్టర్‌తో దర్శకుడు కె.ఎస్‌.రవికుమార్‌ అన్నారట. ఆ వేషం కోసం అజిత్‌కు యాక్టింగ్‌, డ్యాన్సు, ఫైటింగ్‌ నేర్పించాలి అని కోరారట. అన్ని రోజులంటే కష్టం అని మాస్టర్‌ చెప్పారట. అయితే కె.ఎస్‌.రవికుమార్‌ ఒప్పుకోలేదట. మీరు లేకపోతే నేను సినిమా చేయలేను. నష్టం వస్తుంది అనేశారట.

అజిత్‌ ఆ సినిమాలో ఫెమినిస్ట్‌గా కనిపిస్తాడు. దాని కోసమే శివశంకర్‌ మాస్టర్‌ దగ్గరుండి పని చేసి పాత్రను తీర్చిదిద్దారు. సినిమా షూటింగ్‌లో మొత్తంలో మాస్టర్‌ ఎలా చెబితే అజిత్‌ అలా చేశారట. భరతనాట్యం మేళించిన కొన్ని స్టెప్పులు అనుకున్నాను. అయితే అజిత్‌ ఆ స్టెప్పులు చూసి కాస్త భయపడ్డాడు. దీంతో పాటలో మార్పులు చేస్తే బాగుంటుందని కె.ఎస్‌.రవికుమార్‌కు చెప్పారట మాస్టర్‌. ఆ వెంటనే ఎ.ఆర్‌.రెహమాన్‌తో మాట్లాడి మార్పించారట. దాంతో పాటను పూర్తి చేశారట.