కోలీవుడ్ లో అజిత్ క్రేజ్ గురించి ప్రత్యేకంగా చెప్పనక్కర్లేదు. ఇక డైరెక్టర్ శివ, అజిత్ కాంబినేషన్ అంటే ఇంక అభిమానుల ఆనందానికి ఆకాశమే హద్దు అని చెప్పాలి. ఇప్పటికే వీరి కాంబినేషన్లో ‘వీరం’ ‘వేదలమ్’ ‘వివేగం’ వంటి చిత్రాలు బాగా ఆకట్టుకున్నాయి. దాంతో మరోసారి అజిత్ -శివ కంబినేషన్లో వస్తున్న ‘విశ్వాసం’ చిత్రానికి కూడా భారీ అంచనాలు ఏర్పడ్డాయి. ఇక నయనతార కూడా ఇందులో హీరోయిన్ కావడంతో పటు అజిత్ డ్యూయల్ రోల్ పోషించడంతో మరింత క్రేజ్ పెరిగింది.
ఇక ఈ చిత్ర హిందీ డబ్బింగ్ (టీవీ) రైట్స్ కు కూడా భారీ రేటు పలికడం విశేషం. దాదాపు 13 కోట్లకు ఈ చిత్ర హిందీ హక్కులు అమ్ముడయ్యాయట. అజిత్ కెరియర్లోనే ఇంత రేటు పలకడం ఇదే మొదటిసారంట. ఈ చిత్రాన్ని సంక్రాంతి కానుకగా జనవరి 10న తమిళ్ లో విడుదల చేస్తున్నారు. ఇక తెలుగులో సంక్రాంతికి ఇక్కడ పెద్ద సినిమాలు ఉండడంతో కొంచెం గ్యాప్ తీసుకుని తరువాత విడుదల చేయనున్నట్టు సమాచారం.
