అఖిల్ సినిమా టైటిల్ ను ఆల్రెడీ గెస్ చేసేశారు…

అసలు ఎక్కడ్నుంచి వచ్చిందో కూడా తెలియకుండా ఉన్నట్లుంది లీక్ అయిన అఖిల్ రెండో సినిమా పోస్టర్ చేసిన హడావుడి కంటే.. ఆ తర్వాత నాగార్జున, అఖిల్ లు సదరు లీక్ గురించి చేసిన ట్వీట్స్ ఎక్కువ హల్ చల్ చేశాయి. ఎలాగో బజ్ క్రియేట్ అయ్యింది కదా అని టైటిల్ కనుక్కోండి చూద్దామంటూ మొత్తం అక్కినేని కుటుంబ సభ్యులందరూ క్లూస్ ఇవ్వడం మొదలెట్టారు. నాగార్జున గారేమో తన సూపర్ హిట్ సినిమా అయిన “నిర్ణయం” చిత్రంలోని “హల్లో గురూ ప్రేమ కోసమేరో జీవితం” అనే పాటను ట్విట్టర్ ద్వారా షేర్ చేస్తే.. నెక్స్ట్ డే నాగచైతన్య తన సూపర్ హిట్ సినిమా “ఏం మాయ చేసావే” సినిమాలోని “ఎంతమంది మూందుకొచ్చి” అనే పల్లవితో సాగే యుగళ గీతాన్ని షేర్ చేశాడు. ఈ రెండు పాటల్లో “అఖిల్ రెండో సినిమా” టైటిల్ దాగి ఉందంటూ హింట్ ఇచ్చారు.

అయితే.. సినిమా టైటిల్ ఎంటనే విషయం కనుక్కోడానికి నెటిజన్లకు ఎక్కువ టైమ్ పట్టలేదు. రెండు పాటల్లోనూ కామన్ గా వినిపించిన “హలో” అనే మాటను టైటిల్ గా ఫిక్స్ అయిపోయారు అక్కినేని అభిమానులు మరియు సినిమా లవర్స్. ఈ విషయానికి సంబంధించిన అఫీషియల్ కన్ఫర్మేషన్ ఇవాళ రానున్నప్పటికీ.. ప్రస్తుతానికైతే “హలో” అనే టైటిల్ కి రెస్పాన్స్ బానే ఉంది.

Also, do SUBSCRIBE to our YouTube channel to get latest Tollywood updates.