‘మోస్ట్ ఎలిజిబుల్ బ్యాచిలర్’ వంటి డీసెంట్ హిట్ తర్వాత అఖిల్ నుండి రాబోతున్న బిగ్ బడ్జెట్ చిత్రం ‘ఏజెంట్’. ‘ఏకే ఎంటర్టైన్మెంట్స్’ బ్యానర్ పై అనిల్ సుంకర ఈ చిత్రాన్ని భారీ బడ్జెట్ తో నిర్మించగా.. స్టార్ డైరెక్టర్ సురేందర్ రెడ్డి దర్శకత్వం వహించాడు. వక్కంతం వంశీ కథ అందించిన మూవీ ఇది. నిజానికి ఈ చిత్రాన్ని 2020 లో అనౌన్స్ చేశారు. షూటింగ్ అడుగడుగునా లేట్ అవ్వడంతో అభిమానులు తీవ్ర నిరాశకు గురయ్యారు. పోనీ ప్రచారంలో భాగంగా విడుదల చేసిన ప్రోమోలు అయినా ఇంట్రెస్టింగ్ గా ఉన్నాయా? అంటే అదీ లేదు. ఏప్రిల్ 28న ఈ మూవీ గ్రాండ్ గా విడుదల కాబోతోంది.
రిలీజ్ డేట్ దగ్గరపడుతుండటంతో ‘ఏజెంట్’ బృందం ప్రమోషన్ల వేగాన్ని పెంచింది. ఈ నేపథ్యంలో తాజాగా ట్రైలర్ ను విడుదల చేసింది. 2 నిమిషాల 19 సెకన్ల నిడివి కలిగిన ‘ఏజెంట్’ ట్రైలర్… నిండా యాక్షన్ ఎపిసోడ్స్ ఉండటం గమనార్హం. అఖిల్ ఎంతో ఎనర్జిటిక్ గా కనిపిస్తున్నాడు. ఈ సినిమా కోసం అతను చాలా కష్టపడినట్టు యాక్షన్ ఎపిసోడ్స్ చెబుతున్నాయి. మమ్ముట్టి స్పెషల్ అట్రాక్షన్ గా నిలిచారు. ట్రైలర్ లో అఖిల్, సంపత్ తప్ప ఇంకో తెలుగు ఆర్టిస్ట్ కనిపించలేదు. హీరోయిన్ అయితే కనీసం 10 సెకన్లు కూడా కనిపించలేదు.
హిపాప్ తమిళ బ్యాక్ గ్రౌండ్ స్కోర్ పర్వాలేదు అనిపించింది. ట్రైలర్లో ఎమోషనల్ కనెక్టివిటీ లేదు. ‘సింహం బోన్‌లోకి వెళ్లి తిరిగొచ్చేది కోతి మాత్రమే’ అనే డైలాగ్ చాలా సిల్లీగా ఉంది. రసూల్ ఎల్లోర్ సినిమాటోగ్రఫీ ఓకే అనిపించేలా ఉంది. ట్రైలర్ పెద్దగా ఆకట్టుకునే విధంగా అయితే లేదు. మీరు కూడా ఓ లుక్కేయండి :
Home