‘కె.జి.ఎఫ్2’ రిలీజ్ డేట్ ఫిక్స్..? డామినేషన్ మొదలైనట్టేనా?

‘బాహుబలి’ రేంజ్లో దేశ వ్యాప్తంగా పాపులారిటీ సంపాదించుకున్న చిత్రం ‘కె.జి.ఎఫ్’. ఆ చిత్రానికి సీక్వెల్ రాబోతుంది అని తెలిసినప్పటి నుండీ ఆ ప్రాజెక్టు పై భారీ అంచనాలు నెలకొన్నాయి. ఇప్పటికే విడుదల చేసిన ‘కె.జి.ఎఫ్2’ ఫస్ట్ లుక్ ఆ అంచనాలను మరింతగా పెంచిందనే చెప్పాలి. ఇక ఇటీవల విడుదల చేసిన సంజయ్ దత్.. అధీరా ఫస్ట్ లుక్ కు కూడా మంచి రెస్పాన్స్ లభించింది. మొదట ఈ చిత్రాన్ని అక్టోబర్ 23న దసరా కానుకగా విడుదల చెయ్యాలి అనుకున్నారు.

కేవలం 30 రోజుల షూటింగ్ మాత్రమే మిగిలుంది అని కూడా ప్రచారం నడిచింది. అయితే ఇప్పుడు లాక్ డౌన్ కారణంగా ఈ చిత్రం షూటింగ్ కూడా 4 నెలల పాటు నిలిచిపోయింది. ఇప్పటికీ షూటింగ్ తిరిగి ప్రారంభం కాలేదు. అయితే సెప్టెంబర్ లో ఈ చిత్రం షూటింగ్ మొదలయ్యే అవకాశం ఉందని వినికిడి. రెండు నెలలలోపు ఈ ప్రాజెక్ట్ ను కంప్లీట్ చేసే ఆలోచనలో చిత్ర యూనిట్ సభ్యులు ఉన్నట్టు తెలుస్తుంది.

సంక్రాంతి కానుకగానే ఈ చిత్రాన్ని విడుదల చెయ్యాలని కూడా ప్లాన్ చేస్తున్నారట. దర్శకుడు ప్రశాంత్ నీల్.. ఈ చిత్రం ప్రమోషన్లను నవంబర్ ఎండింగ్ నుండీ మొదలుపెట్టాలని భావిస్తున్నట్టు కూడా వినికిడి. అలా అయితే నితిన్ ‘రంగ్ దే’ , అఖిల్ ‘మోస్ట్ ఎలిజబుల్ బ్యాచిలర్’ చిత్రాలకు గట్టి పోటీ ఎదురైనట్టే అని చెప్పొచ్చు..!

Most Recommended Video

ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!