అక్కినేని అఖిల్ ప్రస్తుతం విక్రమ్ కుమార్ దర్శకత్వంలో సినిమా చేస్తున్నాడు. షూటింగ్ శరవేగంగా జరుగుతోంది. “హలో” అనే టైటిల్ అనుకుంటున్న ఈ చిత్రాన్ని డిసెంబర్ 22న రిలీజ్ చేస్తున్నట్టు నాగార్జున ప్రకటించారు. అన్నపూర్ణ బ్యానర్లో భారీ బడ్జెట్ తో నాగార్జున నిర్మిస్తున్న ఈ సినిమాపై భారీ అంచనాలున్నాయి. అదే రోజున మరో మరో ఇద్దరూ పోటీకి వస్తున్నారు. వారే నాని, అనుష్క. నాని లక్కీ ని తన పాకెట్లో పెట్టుకున్నట్లు వరుసగా హిట్లతో దూసుకుపోతున్నాడు. నాని ప్రస్తుతం ఎంసిఎ సినిమా చేస్తున్నాడు. ఈ సినిమాని ఒకరోజు ముందుగా అంటే డిసెంబర్ 21 న ప్రేక్షకుల ముందుకు తీసుకురావాలని చిత్ర నిర్మాత దిల్ రాజు భావిస్తున్నారు.
ఇక క్రిస్మస్ సెలవుల్లో భారీ కలక్షన్స్ రాబట్టాలని యువీ క్రియేషన్స్ వాలు భావిస్తున్నారు. అనుష్క ప్రధాన పాత్రలో వారు నిర్మించిన భాగమతిని డిసెంబర్ 22 న రిలీజ్ చేయాలని నిర్ణయించుకున్నారు. షూటింగ్ పూర్తి చేసుకున్న ఈ సినిమాకి స్పెషల్ ఎఫక్ట్స్ జోడిస్తున్నారు. ఇటు అనుష్క, అటు నాని .. వీరిద్దరికీ స్టార్ హీరోస్ కి వచ్చే ఓపెంగ్స్ రావడం ఖాయం. అఖిల్ తొలి సినిమాతో ఇంప్రెషన్ పోగొట్టుకొని వెనుకంజలో ఉన్నాడు. మరి ఈ పోటీలో సత్తా చాటుతాడా? చతికిల పడుతాడా? అనేది త్వరలోనే తెలియనుంది.
Also, do SUBSCRIBE to our YouTube channel to get latest Tollywood updates.
