వరుస పరాజయాలు నేర్పిన గుణపాఠమో, నాగార్జున అనుభవమో కానీ… అఖిల్‌ తన తర్వాతి సినిమాల విషయంలో చాలా జాగ్రత్తలు తీసుకుంటున్నాడట. త్వరలో సురేందర్‌ రెడ్డి డైరక్షన్లో ‘ఏజెంట్’గా కనిపించబోతున్న అఖిల్‌ ఆ తర్వాతి సినిమా కోసం సాలిడ్‌ ప్లానింగ్‌ వేస్తున్నాడట. దీని కోసం హిట్‌ దర్శకుడు కొరటాల శివను లైన్‌లో పెట్టాడని తెలుస్తోంది. నాగార్జున అండ్‌ కో ప్రస్తుతం కొరటాల శివతో సినిమా కథ గురించి చర్చలు జరుపుతున్నారట. అఖిల్‌ కోసం మంచి కథ రెడీ చేయాలని నాగార్జున టీమ్‌..
కొరటాల శివను అడిగిందని తాజా టాక్. దీనికి సంబంధించి ఆన్‌లైన్‌లో జోరుగా చర్చలు సాగుతున్నాయట. త్వరలో ఓ నిర్ణయానికి వచ్చి సినిమాను అధికారికంగా ప్రకటించే అవకాశమూ ఉందంటున్నాయి టాలీవుడ్‌ వర్గాలు. ప్రస్తుతం కొరటాల శివ ‘ఆచార్య’ పనుల్లో ఉన్నారు. ఇది అయ్యాక ఎన్టీఆర్‌తో సినిమాను ప్రారంభించాలి. ఇటీవల ఈ సినిమా అనౌన్స్‌మెంట్‌ జరిగిన విషయం తెలిసిందే. ఆ తర్వాతే అఖిల్‌ సినిమా ఉంటుంది. అఖిల్‌ సంగతి చూస్తే ప్రస్తుతం బొమ్మరిల్లు భాస్కర్‌ డైరక్షన్లో ‘మోస్ట్‌ ఎలిజిబుల్‌ బ్యాచిలర్‌’ చేస్తున్నాడు.
దీని తర్వాత సురేందర్‌ రెడ్డి డైరక్షన్లో ‘ఏజెంట్’ అవతారం ఎత్తుతాడు. ఆ తర్వాతే కొరటాల సినిమా ఉంటుంది. మామూలుగా కొరటాల సినిమా అంటే సందేశం, వినోదం, మాస్‌ ఎలిమెంట్స్‌ ఉంటాయి. మరి వాటన్నింటినీ అఖిల్‌ ఎంతవరకు మేనేజ్‌ చేసి… తనదైన ముద్ర వేస్తాడు అనేది చూడాలి.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home