అక్కినేని ప్రిన్స్ వివాహ ముహూర్తం ఎప్పుడో తెలుసా?

అక్కినేని ఇంట పెళ్లి పనులు వేగం అందుకున్నాయి. అక్కినేని నాగార్జున, అమల ముద్దుల తనయుడు అఖిల్ కల్యాణ ఘడియలు మొదలయ్యాయి. అతను ప్రేమించిన శ్రియా భూపాల్ తోనే పెళ్ళికి అంగీకరించిన తల్లి దండ్రులు తాజాగా ముహూర్తం ఫిక్స్ చేశారు. వచ్చే నెలలో అఖిల్, శ్రీయ కు నిశ్చితార్ధం చేసేందుకు సిద్ధమయ్యారు. ఆ వేడుకలోనే తాళి కట్టే శుభవేళను ఇరు కుటుంబాల వారు నిర్ణయించనున్నారు.

అక్కినేని కుటుంబాలకు అత్యంత సన్నిహితులు చెప్పిన వివరాల ప్రకారం…. వేసవిలో అఖిల్ పెళ్లి జరుగుతుంది. అఖిల్ కోరిక మేరకు పెళ్లిని ఇటలీలో చేసేందుకు కింగ్ నాగార్జున ఒకే చెప్పారు. రోమ్ లోని అత్యంత ఖరీదైన రిసార్ట్ లో వైభవంగా చేసేందుకు సన్నాహాలు మొదలు పెట్టారు. అఖిల్ కి కాబోయే భార్యకు వివిధ దేశాల్లో బంధువులు ఉండడం, అమ్మ అమల కుటుంబ సభ్యులు రావడానికి వీలుగా ఉంటుందనే ఉద్దేశంతో ఈ నిర్ణయం తీసుకున్నట్లు తెలిసింది.