అక్కినేని హీరోలలో ప్రస్తుతం సక్సెస్ కోసం ఎక్కువగా ఎదురు చూస్తున్నా అఖిల్ తన తదుపరి సినిమాతో ఎలాగైనా మంచి విజయాన్ని అందుకోవాలని అనుకుంటున్నాడు. గత ఏడాది వచ్చిన మోస్ట్ ఎలిజిబుల్ బ్యాచిలర్ సినిమా కమర్షియల్గా మంచి విజయాన్ని అందుకున్నప్పటికీ అఖిల్ ను మాత్రం ఇంకా మాస్ ప్రేక్షకులకు దగ్గర చేయలేకపోయింది. కానీ ఎలాగైనా సురేందర్ రెడ్డి దర్శకత్వంలో చేయబోయే సినిమాతో ఏ మాత్రం అఖిల్ మంచి సక్సెస్ కొట్టాలనే అన్ని వర్గాల ప్రేక్షకులను ఆకట్టుకోవాలని చూస్తున్నాడు.
ఇక సినిమాలో మలయాళం మెగాస్టార్ మమ్ముట్టి కూడా ఒక ముఖ్యమైన పాత్రలో కనిపించబోతున్నారు. ఇటీవల ఆ విషయాన్ని చిత్ర యూనిట్ సభ్యులు అఫీషియల్ గా తెలియజేశారు. ఆయన ఒక స్పెషల్ ఆర్మీ ఆఫీసర్ గా ఈ సినిమాలో కనిపించబోతున్నారు. అయితే ఈ సినిమా కోసం అఖిల్ తో పాటు మమ్ముట్టి సమానంగా పారితోషికం అందుకుంటున్నట్లు తెలుస్తోంది. ఒక విధంగా ఏజెంట్ సినిమాకు అఖిల్ మార్కెట్ నుంచి దాదాపు 50 కోట్లకు పైగా ఖర్చు చేస్తున్నట్లుగా తెలుస్తోంది.
దర్శకుడు సురేందర్ రెడ్డి సినిమా బడ్జెట్ విషయంలో ఏ మాత్రం వెనక్కి తగ్గడం లేదట. అయితే అఖిల్ కు ఈ సినిమా కోసం నాలుగు నుంచి ఐదు కోట్ల మధ్యలో పారితోషకం అందుకున్నట్లు తెలుస్తోంది. ఇక దాదాపు అదే తరహాలో మమ్ముట్టి రెమ్యునరేషన్ కూడా నాలుగు కోట్లకు పైగానే ఉంటుందని సమాచారం. వీరిద్దరి పాత్రలు కూడా సినిమాలో చాలా పవర్ఫుల్ గా ఉంటాయని తెలుస్తోంది. ఇండియన్ గూడచారి గా అఖిల్ ఏజెంట్ సినిమాలో కనిపించబోతున్నాడు.
ఈ సినిమాలో వివిధ రకాల దేశాలలో అఖిల్ చేసే సాహసాలు కూడా అద్భుతంగా ఉంటాయట. తప్పకుండా ఈ సినిమా అఖిల్ సినిమా కెరీర్ కు మంచి బూస్ట్ ఇస్తుంది అని అర్థమవుతుంది. ఇక ఈ సినిమా రెగ్యులర్ షూటింగ్ ను వీలైనంత త్వరగా పూర్తి చేసి త్వరలోనే రిలీజ్ డేట్ పై కూడా క్లారిటీ ఇచ్చే అవకాశం ఉన్నట్లు తెలుస్తోంది.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
